Epɛjinyɛje 2:3 - Dɔnɔn kə̂ Siki: Tar kə̂ aw arə təbbə

³ Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Epɛjinyɛje 2:3 Iomraidhean Croise

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Tar kə̂ Maji kə̂ Jan dda makəturu tə̂ 1:13

Ngaâ n̂-ddeeje to ngann lə Lubba kə̂ dujude ddəw mə-ndiki tə̂ lə Lubba, bbo ddəw kuju tə̂ lə dəwje ang ddəm ddəw mə-ndiki tə̂ lə dəwje ang ddəm.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Kulaje 14:16

Dɔ ndɔje tə̂ kə̂ ndayje, Lubba inya ddəw arə gəl-dəwje tɔyn ddaje nɛ̂n kə̂ məde ndiki.

Rɔmɛnje 1:24

Mba yeenn bba, Lubba tusude inyade arə daw ddaje kula yərəw kə̂ məde ndiki. Yeenn bba, dede njaa n̂-ddaje kula yərəw kə da-rɔde njaa horo naan tə̂ arə to nɛ̂n-rɔ-kul.

Rɔmɛnje 11:30

Ləw ə-mbətəje ta koo ta Lubba, a bbasinɛn Lubba oo kəm-to-ndoo ləse mba Jiipije kə̂ mbətəje ta koo tɛɛ̂.

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Rɔmɛnje 2:14

A bbo marə dəwje kə̂ toje to Jiipije ang kə̂ gərəje Ndu lə Mɔyijə ang aw ddaje nɛ̂n kə turu Ndu le kə dɔde baa njaa a, yeenn tɔju to, Ndu le to məde tə̂ nu.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 5:9

Bbasinɛn, Lubba dda arə n-ddeeje gatə gatə kəmɛ̂ tə̂ ddəw məsə Jeju tə̂. Yeenn a, ddi bba a kɔku ddəw Jeju le karə ajije ta wungu tə̂ kə̂ Lubba dda kə je wa?

Rɔmɛnje 6:12

Yeenn a, arəje majang ɔn dɔ rɔse kə̂ a ta koy marə ndɔ le ang ngaa. Yeenn bba, â ddaje nɛ̂n ddəw bbo tə̂ kə̂ da-rɔse tə̂ le ang.

Rɔmɛnje 7:18

Mba m-gərə to marə nɛ̂n kə̂ maji goto rɔm tə̂, rɔm əman tə̂ kə̂ mubba singa ang nəənn. Tɔkɔrɔ, bbo dda nɛ̂n kə̂ maji to məm tə̂ njaa. A mubba singa kə̂ ta dda nɛ̂n nɛ̂n le ang.

Rɔmɛnje 9:22

Lubba ndiki ta tɔju wungu laa ngaâ ta dda karə dəwje gərəje singa-mɔngu laa. A dəwje kə̂ asə karə n̂-dda wungu kə̂ de ngaâ asə karə dingaje yo le n̂-tɔ wure narəde nya.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

1 Tesalonisinyɛje 5:6

Yeenn a, maji karə n-tibbije tokə lə kəsə dəwje ang. Maji karə bbi ɔru kəmje ang ta n-gərəje dɔjije.

1 Timɔte 6:9

A dəwje kə̂ ndikije ta ddee to njê-nɛ̂n-kingaje osoje mə nɛ̂n-kərə tə̂. Dosoje mə bandə tə̂ ddəw bbo nɛ̂nje tə̂ kə̂ maji ang dang dang kə̂ aw tuju dəwje ngaâ aw aw kə dəwje arə naynje kə kɔrɔ̂.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.

2 Piyɛr 2:18

Mba daw paje tarje kə̂ ngəng ngəng, a to tarje kə̂ baa daw dərəje nɛ̂n dəwje kə̂ bbasinɛn bbay njaa aynje ji dəwje tə̂ kə̂ ndəəmje ddəw. Dərəde ddəw bbo dda lo-to-majang tə̂,

1 Jan 2:16

Mba, nɛ̂nje tɔyn kə̂ nangə̂ nəənn kə̂ to: Bbo kə̂ da-rɔ tə̂, kunda kəm-nda kə koo-rɔ-bo mba nɛ̂n-kinga. Nɛ̂njeenn inje dɔ nangə tə̂ bbo inje rɔ Lubba kə̂ Bɔ tə̂ ang.

1 Jan 2:8

Ndu kə̂ ləw le to ndu kə̂ siki tɔ. Ndu kə̂ siki le ddee tɔkɔrɔ ddəw tə̂ lə Jeju-Kristə ddəm ddəw pa-nja tə̂ ləse ddəm. Mba lo ndul aw nday, a lo-karɛ kə̂ tɔkɔrɔ aw ndoko ngaa.