Epɛjinyɛje 2:2 - Dɔnɔn kə̂ Siki: Tar kə̂ aw arə təbbə

² Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 2:2 Iomraidhean Croise

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Luku 16:8

Nje-ngəm nɛ̂nje kə̂ to gatə gatə ang le əbbeeje le pite, mba nje-ngəm nɛ̂nje le dda nɛ̂n kə gusu. Dəwje kə̂ nangə̂ nəənn ddaje nɛ̂n kə gusu nya horode tə̂ uta dəwje kə̂ aw njaje dann lo-karɛ tə̂.»

Luku 22:31

Əbbə-dəwje pa nan: «Simɔn, Simɔn, Satan duju ta pərəse tokə daw pərə waa.

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Tar kə̂ Maji kə̂ Jan dda makəturu tə̂ 13:2

Jeju kə njê-njaje goe tə̂ disije ta nɛ̂n-kusa tə̂ lo-kul tə̂. A əsu ula kəjə kila Jeju ji dəwje tə̂ mə Judas tə̂ kə̂ to ngonn lə Simɔn Iskariyotə tokə kete mban.

Tar kə̂ Maji kə̂ Jan dda makəturu tə̂ 13:27

Judas taa muru le a, Satan andə məɛ̂ tə̂. Jeju pa arɛ̂ nan: «Nɛ̂n kə̂ a ta dda le, ə-dda njangə.»

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 15:19

Bbo ə-toje to dəwje kə̂ duninya tə̂ a, dəwje kə̂ duninya tə̂ a ndikijese, mba ə-toje to ləde. A ə-toje to dəwje kə̂ duninya tə̂ ang ngaâ m-mbərəse horo dəwje tə̂ kə̂ duninya tə̂ nəənn. Mba yeenn bba, dəwje kə̂ duninya tə̂ mbətəjese.

Tar kə̂ Maji kə̂ Jan dda makəturu tə̂ 16:11

Nâ tɔjude karə n̂-gərəje nɛ̂n kə̂ ria nan sariya lə Lubba, mba Lubba gangə sariya dɔ nje-kɔn dɔ duninya tə̂ nəənn mban.

Tar kə̂ Maji kə̂ Jan dda makəturu tə̂ 7:7

Dəwje kə̂ dɔ nangə tə̂ a kasə ta mbətəse ang. A əman, dəwje mbətəmje, mba m-pa marəde m-pa nan kula-ddade maji ang.

Tar kə̂ Maji kə̂ Jan dda makəturu tə̂ 8:23

Jeju ilade tə̂ nan: «Sese, ə-toje to dəwje kə̂ nangə̂ nəənn, a əman m-to dəw kə̂ darâ. Ə-toje to dəwje kə̂ duninya tə̂ nəənn, a əman, m-to dəw kə̂ duninya tə̂ nəənn ang.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Kulaje 19:35

Nje-kuja makəturu kə̂ mə bbe tə̂ le ddee gangə dəwje tar tə̂ ngaâ pa nan: «Dəwje kə̂ Epɛjə, ə-gərəje to Epɛjə to bbe kə̂ aw ngəm kəy-polo Artemis kə̂ to tɔkə kɔr kə̂ dɛnɛ̂n ddəm aw ngəm ətaar laa kə̂ in darâ ddəm.

Kulaje 5:3

A Piyɛr pa nan: «Ananiyas, mba ddi bba inya arə Satan andə məi tə̂ wa? Ɔru dəbbə narɛ ndɔɔ ləi le ə-ngəm to ləi, a ə-pa tar ngəm arə Ndil-mə-nda.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

1 Kɔrɛntinyɛje 5:10

Dəwje tɔyn kə̂ dɔ nangə tə̂ nəənn kə̂ toje to njê-kayaje â maw pa tar le mbade ang ddəm njê kə̂ aw undaje kəm-nda wase njê-bbokoje kə njê-poloje kɔrje ang ddəm. Bbo tokə baann a, a to maji karə ɔruje rɔse rɔ dəwje tə̂ kə̂ nangə̂ nəənn.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Epɛjinyɛje 1:21

dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

Epɛjinyɛje 2:11

Sese kə̂ dujuse to Jiipije ang le, Jiipije kə̂ dəwje â ujade ganja ndikije karə dəwje bbarde to njê-ganjaje. A daw bbarse to «njê-kuja ganja ang».

Epɛjinyɛje 2:13

A bbasinɛn, ddəw tə̂ lə Jeju-Kristə, sese kə̂ eeje ddəw əw ə-təl ə-ddeeje ngɔsi baa, ddəw məsə Kristə tə̂ le.

Epɛjinyɛje 2:3

Ləw, jeje tɔyn njaa jee horo dəwje tə̂ənn le mba jaw nja ddəw bbo kə̂ da-rɔ tə̂: Jaw dda nɛ̂nje ddəw bbo kə̂ da-rɔje tə̂ kə ddəw kəjəje tə̂ ləje kə̂ maji ang. Jeje kara, n-to ddəw kâra baa kə kəsə dəwje kə̂ asə karə wungu lə Lubba to dɔde tə̂.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Jakə 1:27

Kə̂ kəm Lubba tə̂ kə̂ to Bɔjeje, dda kə Lubba tɔkɔrɔ tə̂ kə̂ nɛ̂n-yərəw ɔru ang, to kaw koo ngann-ndubbaje kə dɛnɛ̂n-ndubbaje lo-kisi ndoo tə̂ ləde ngaâ ta ngəm-rɔ ddəw kula yərəwje tə̂ kə̂ dɔ nangə tə̂ tɔ.

Jakə 1:7

Maji karə dəw kə̂ to tokə baann unda məɛ̂ to nâ kinga marə nɛ̂n ji Əbbə-dəwje tə̂ ang,

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

1 Piyɛr 1:14

Maji karə ə-ddaje nɛ̂n tokə lə ngannje kə̂ ooje tar. Bbo ə-ddaje nɛ̂n ddəw bbo tə̂ kə̂ da-rɔse tə̂ tokə ye kə̂ kete ang ngaa, mba kete le ə-nayn ə-gərəje nɛ̂n ang bbay.

1 Piyɛr 4:3

Mba ləw, unnje kar ləse mba dda nɛ̂n nɛ̂nje kə̂ dəwje kə̂ gərəje Lubba ang ndikije. Aw ddaje kaya, aw ddaje bbo nɛ̂nje kə̂ maji ang, aw ddaje bbərə lə koto, aw mbɔnje naan aw usaje, aw ayje arəje uta dɔse ngaâ aw poloje kɔrje aw ddaje nɛ̂n nɛ̂nje kə̂ asə koo kə kəm ang.

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:8

Dəw kə̂ nayn ddəw majang tə̂ to dəw lə Əsu, mba Əsu to nje-nɛ̂n-dda kə̂ maji ang kunn-kutu nɛ̂nje tə̂ njaa. Mba yeenn bba, Ngonn lə Lubba ddee ta tuju kula-dda lə Əsu.

1 Jan 4:4

See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.

1 Jan 5:19

Jeje, n-gərəje to n-toje to dəwje lə Lubba, a duninya nəənn tɔyn to mə ji Nje-mə-majang tə̂.

1 Jan 5:4

Mba dəw kə̂ Lubba uje tətə duninya nəənn kə ddɔ. A mə-kunn ləje â to nɛ̂n kə̂ ja tətə nɛ̂n duninya nəənn kə ddɔ.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 13:14

Nərə dəwje kə̂ dɔ nangə tə̂ ddəw nɛ̂n-mɔrije tə̂ kə̂ darɛ̂ singa karə n̂-dda dɔ kəm da tə̂ kə̂ in mə maann tə̂ tee le, narə dəwje le ddaje marə kɔr kə̂ unn da-rɔ da kə̂ inga do tɔkə kiya, a nayn kəm baa le.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 16:17

Anjə kə̂ to siri laa mbəl wungu kə̂ mə əngo tə̂ laa mə ləl tə̂. Marə ndu bbar kə singa ngende-mbay tə̂ kə̂ kəy-polo Lubba tə̂ le nan: «Bbayɛ̂ ngaa!»

Apokalisi 20:2

Nuwa da kə̂ unn da-rɔ mar, kə̂ to li kə̂ ləw, kə̂ to əsu, kə̂ to Satan le ngaâ n̂-tɔɛ̂ kə kula njamji mba bbal doro kâra (1 000)