Epɛjinyɛje 2:18 - Dɔnɔn kə̂ Siki: Tar kə̂ aw arə təbbə

¹⁸ Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Epɛjinyɛje 2:18 Iomraidhean Croise

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Tar kə̂ Maji kə̂ Jan dda makəturu tə̂ 10:7

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

Tar kə̂ Maji kə̂ Jan dda makəturu tə̂ 10:9

M-to ta-ddəw. Dəw kə̂ andə kə ta-ddəw kə̂ to əman le a, a kinga kaji. Nâ kandə, nâ tee ngaâ nâ kinga nɛ̂n-kusa.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Epɛjinyɛje 3:14

Mba yeenn bba, mungu məkəjə-gɔləm nangə̂ nɔn Bɔy Lubba tə̂.

Epɛjinyɛje 4:4

Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

Kolosinyɛje 1:12

Maji karə arəje wooyo Lubba kə̂ Bɔ kə rɔ-nəəl. Ne â n̂-dda narə asəje ta kinga nɛ̂nje kə̂ maji kə̂ to ɔju dɔ dəwje laa lo-karɛ tə̂.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

Jakə 3:9

Ndɔnje le â jaw jɔsuje nɛ̂n gaji Əbbə-dəwje kə̂ to Bɔjeje, a ndɔnje le tɔ â jaw jɔruje nɛ̂n kə dəwje kə̂ Lubba njaa ddade arə dundaje rɔɛ̂.

1 Piyɛr 1:17

Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.