Epɛjinyɛje 2:15 - Dɔnɔn kə̂ Siki: Tar kə̂ aw arə təbbə

¹⁵ Nɔru Ndu lə Mɔyijə kə tarje kə̂ məɛ tə̂ kə ddang. N̂-dda baann ta mbɔn Jiipije kə dəwje kə̂ toje to Jiipije ang karə n̂-ddeeje to gəl-dəwje kə̂ siki kə̂ kâra baa ddəw mə-kâra tə̂ kə̂ n̂-ddaje kə Kristə ngaâ karə mə-wul-lɔm to horode tə̂.

Epɛjinyɛje 2:15 Iomraidhean Croise

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Galatəje 6:15

Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Epɛjinyɛje 2:14

Mba ne Kristə le njaa n̂-dda narə jisi kə mə-wul-lɔm. N̂-dda narə Jiipije kə dəwje kə̂ toje to Jiipije ang ddeeje to dəwje kə̂ kâra baa. Ddəw koy tə̂ laa, mbətə-naan kə̂ to tokə ndoko kə̂ kayn horode le n̂-guru kə ddang.

Epɛjinyɛje 2:16

Ddəw koy tə̂ laa dɔ kakə-dəsə tə̂, Kristə mbɔnde arə n̂-ddeeje to dəwje kə̂ kâra baa ngaâ nungude naan tə̂ kə Lubba. Ddəw koy tə̂ laa le n̂-dda narə mbətə-naan unda ngangɛ̂.

Epɛjinyɛje 4:16

Tambal dɔɛ̂ â, dəbbə rɔ dang dang tɔyn mbɔn naan to da-rɔ kə̂ kâra baa ngaâ kətərə mba mənrə-rɔje le tɔje naan kə majɛ̂. A bbo dəbbə rɔ kə̂ dang dang le kâra kâra dda kula kə majɛ̂ a, da-rɔ le tɔyn njaa a tee kə mbi ngaâ a sangə ddəw ndiki tə̂.

Kolosinyɛje 2:14

Tarje kə̂ makəturu tə̂ kə̂ unda tar dɔje tə̂ ngaâ aw dda singa kə je le. Lubba ɔru kə ddang. N̂-bbərə tarje le dɔ kakə-dəsə tə̂, n̂-tuju kə ddang.

Kolosinyɛje 2:20

Oyje ddəw kâra baa kə Kristə mban arə singaje kə̂ duninya tə̂ toje to nɛ̂n kâra ang kəmse tə̂. A mba ddi bba kisi ləse to tokə dəwje kə̂ dɔ nangə tə̂ nəənn ngaâ aw bbəəlje nduje wa?

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.

Kolosinyɛje 3:15

Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.

Ebərəje 8:13

Bbo Lubba pa tar dɔnɔn kə̂ siki a, yeenn pa nan n̂-dda narə ye kə̂ dɔngɔr le ddee to konn nɛ̂n ngaa. A nɛ̂n kə̂ to konn nɛ̂n ngaâ bbuka nya to nɛ̂n kə̂ a nday mbɔr ang.

Ebərəje 9:23

Daw toko nɛ̂nje kə̂ toje to ndil nɛ̂nje baa kə̂ darâ darə ddee maji tokə baann. A nɛ̂nje kə̂ toje to nɛ̂nje kə̂ tɔkɔrɔ kə̂ mə dara tə̂, to ta karə nɛ̂n-poloje kə̂ maji uta â n̂-toko nɛ̂n.