Epɛjinyɛje 2:12 - Dɔnɔn kə̂ Siki: Tar kə̂ aw arə təbbə

¹² Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 2:12 Iomraidhean Croise

Luku 1:72

mba n̂-dda mə-maji kə bɔjejedede ddəm nole məɛ̂ dɔ dɔnɔn tə̂ laa kə̂ maji tɔyn kə̂ nɔsu kə bɔjejedede ddəm

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Tar kə̂ Maji kə̂ Jan dda makəturu tə̂ 4:22

See dəwje kə̂ Samari, aw poloje nɛ̂n kə̂ ə-gərəje ang. A jee Jiipije, jaw polo nɛ̂n kə̂ jeje n-gərə. Mba kaji in bbe lə Jiipije bba ddee.

Kulaje 2:39

Mba ndu-kunn nəənn le to mbase kə ngannse, to mba dəwje kə̂ isije ddəw əw kə dəwje kə̂ banya kə̂ Əbbə-dəwje Lubba ləje a bbarde.»

Kulaje 28:20

Tar nəənn njaa m-duju ta koose mbɛɛ̂, ta tɔn kə se tam. Mâ kərəse ang, n̂-tɔm kə kula njamjije nəənn ɔju dɔ tar nɛ̂n kə̂ dəwje kə̂ Ijarayɛl undaje məde dɔɛ̂ tə̂.»

Kulaje 3:25

Tarje kə̂ Lubba unda ta njê-kilaje mbər tar tə̂ laa ləw arə paje le to mbase tɔ. Lubba ɔsu dɔnɔn kə kasəse arə sese kara andəje mə dɔnɔn tə̂ le tɔ. Lubba le pa arə Abaraham nan: ‹Ddəw tə̂ lə njê kə̂ gəli tə̂, mâ bbar Tar kə̂ Maji dɔ dəwje tə̂ tɔyn kə̂ duninya tə̂.›

Rɔmɛnje 9:8

Yeenn a ta pa nan: Ngannje tɔyn kə̂ Abaraham ujude â toje to ngann lə Lubba ang. Ngann lə Lubba kə̂ tɔkɔrɔ â to dede kə̂ Lubba unn ndue ta karə nujude.

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

Epɛjinyɛje 2:19

Yeenn a, sese kə̂ ə-toje to Jiipije ang le ə-toje to njê-mbaje ang ngaa ddəm ə-toje to dəwje kə̂ aw ndayje to nday ang ngaa ddəm. A sese kə njê-mə-kunnje ə-toje to ngann njê-bbeje kə̂ kâra baa, eeje mə nuju tə̂ lə Lubba.

Epɛjinyɛje 4:18

Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

Ebərəje 11:34

N̂-tɔlje puruje kə̂ aw ɔn kə singa nya, n̂-teeje ji dəwje tə̂ kə̂ a ta tɔlde kə tɔkə kiya. Singade ɔru, a n̂-təl dingaje singa. Mə ddɔ tə̂, n̂-ddeeje to baw-ddɔje njaa ngaâ n̂-tubbaje njê-ddɔje kə̂ inje marə bbeje tə̂ kə̂ dang kə̂ ndikije ta taa bbe ləde jide tə̂.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

Ebərəje 8:6

A bbasinɛn kula kə̂ uta ənga kəsə njê-poloje Lubba â darə Jeju, mba n̂-to nje-gɔl-tar dɔnɔn kə̂ maji uta ye kə̂ kete. Mə dɔnɔn tə̂ kə̂ siki le, Lubba unn ndue ta karə dəwje laa nɛ̂nje kə̂ maji nya uta yeje kə̂ mə dɔnɔn tə̂ kə̂ ləw le.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.