Epɛjinyɛje 2:11 - Dɔnɔn kə̂ Siki: Tar kə̂ aw arə təbbə

¹¹ Sese kə̂ dujuse to Jiipije ang le, Jiipije kə̂ dəwje â ujade ganja ndikije karə dəwje bbarde to njê-ganjaje. A daw bbarse to «njê-kuja ganja ang».

Epɛjinyɛje 2:11 Iomraidhean Croise

Matiye 20:7

Dilɛ̂je tə̂ nan: ‹Jar baa, mba joo dəw kə̂ ta kotoje kula tə̂ ang.› N̂-pa narəde nan: ‹Aw ddaje kula ndɔɔ binyə tə̂ ləm tɔ.›

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 2:26

A bbo dəw kə̂ dujɛ̂ ganja ang bbəəl Ndu lə Lubba a, Lubba a kooe to dəw kə̂ dujɛ̂ ganja ngaa ang wa?

Rɔmɛnje 2:27

Dəw kə̂ dujɛ̂ ganja ang ngaâ aw bbəəl Ndu le a gangə sariya dɔi tə̂, əi kə̂ ee kə Ndu ngaâ dujai ganja, a ə-bbəəl Ndu le ang.

1 Kɔrɛntinyɛje 12:2

Ə-gərəje kə majɛ̂ to ləw kə̂ ə-gərəje Lubba ang bbay le, bbo polo kɔrje kə̂ aw paje tar ang uta dɔse.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

Galatəje 2:15

Jeje, gəl-kujuje tə̂ nu njaa n-toje to Jiipije. N-to kəsə gəl-dəwje kə̂ toje to njê-nɛ̂n-ddaje kə̂ maji ang nəənn le ang.

Galatəje 6:12

Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Pilipinyɛje 3:3

Jeje â juja ganja kə̂ tɔkɔrɔ, mba jaw poloje Lubba ddəw Ndil tə̂ laa, jaw junda guje ddəw tə̂ lə Jeju-Kristə ngaâ junda məje kə dɔ rɔje tə̂ njaa ang.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

Kolosinyɛje 2:11

Ddəw tə̂ laa, ujaje ganja kə̂ dəw â aw uja ang. To ganja lə Kristə â ujaje. Ganja lə Kristə le ɔru bbo nɛ̂n-dda kə̂ maji ang kə̂ to da-rɔje tə̂ kə ddang.

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

Kolosinyɛje 3:11

Bbasinɛn, Gɛrɛkə wase Jiipi goto ngaa. Dəw kə̂ uja ganja wase uja ganja ang goto. Dəw kə̂ gəle to dang wase dəw kə̂ kəmɛ̂ ɔru ang goto. Dəw kə̂ to bbərə wase to bbərə ang goto ngaa. A Kristə â to nɛ̂n tɔyn, ne â nee mə dəwje tə̂ tɔyn.