Epɛjinyɛje 2:10 - Dɔnɔn kə̂ Siki: Tar kə̂ aw arə təbbə

¹⁰ Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Epɛjinyɛje 2:10 Iomraidhean Croise

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Tar kə̂ Maji kə̂ Jan dda makəturu tə̂ 3:21

A dəwje kə̂ aw ddaje nɛ̂n ddəw tar tə̂ kə̂ tɔkɔrɔ ddeeje kə lo-karɛ tə̂. Baann bba karə dəwje ooje nɛ̂nje kə̂ mə Lubba ndiki kə̂ daw ddaje.»

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:29

Mba Lubba gərəde ngaâ undade dang tokə kete karə n̂-ddeeje tokə lə Ngonnɛ̂, mba karə Ngonnɛ̂ le təl to Ngonn-dərə horo njê-mə-kunnje tə̂ kə̂ banya.

1 Kɔrɛntinyɛje 3:9

Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

2 Kɔrɛntinyɛje 5:5

Lubba â gɔlje mba nɛ̂ɛnn le ngaâ narəje Ndil laa ta nginan nɛ̂n nɛ̂nje kə̂ n̂-gɔl mba tar ləje.

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Galatəje 6:15

Mba kuja ganja wase kuja ganja ang to marə nɛ̂n ang. Nɛ̂n kə̂ ngəng â to, dda kə̂ Lubba dda arə n-ddeeje to dəwje kə̂ siki.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 2:13

A bbasinɛn, ddəw tə̂ lə Jeju-Kristə, sese kə̂ eeje ddəw əw ə-təl ə-ddeeje ngɔsi baa, ddəw məsə Kristə tə̂ le.

Epɛjinyɛje 2:15

Nɔru Ndu lə Mɔyijə kə tarje kə̂ məɛ tə̂ kə ddang. N̂-dda baann ta mbɔn Jiipije kə dəwje kə̂ toje to Jiipije ang karə n̂-ddeeje to gəl-dəwje kə̂ siki kə̂ kâra baa ddəw mə-kâra tə̂ kə̂ n̂-ddaje kə Kristə ngaâ karə mə-wul-lɔm to horode tə̂.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 2:6

Ddəw mə-kâra tə̂ kə̂ n-ddaje kə Jeju-Kristə, Lubba ndolje naan tə̂ saa ngaâ arə jisije darâ naan tə̂ kâra baa kə Kristə le.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 4:24

Maji karə ə-ddeeje to dəwje kə̂ siki kə̂ Lubba ddade tokə ye kə̂ məɛ̂ ndiki ngaâ tar kə̂ tɔkɔrɔ ddade arə n̂-ddeeje to dəwje kə̂ gatə gatə ddəm dəwje kə̂ nɛ̂n-yərəw ɔrude ang ddəm.

Pilipinyɛje 1:6

Nɛ̂n kə̂ m-gərə â tokə be: Lubba kə̂ unn kutu kula kə̂ maji tɔyn nəənn ddəw tə̂ ləse a kaw nɛ̂n ndərəng karə tunga ndɔ tə̂ kə̂ Jeju-Kristə a təl.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

2 Tesalonisinyɛje 2:17

n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.

1 Timɔte 2:10

A maji karə kulaje kə̂ maji â dɛnɛ̂nje ulaje to kubbu. Nɛ̂n kə̂ baann â asə karə dɛnɛ̂nje kə̂ unnje ndude ta bbəəl Lubba ddaje.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 5:25

Ddəw kâra baa, kulaje kə̂ maji kə̂ marə dəw aw dda, kəm dəwje aw oo. Kulaje kə̂ maji kə̂ n̂-dda ngaâ kəm dəwje oo ang kara a nayn lo-kiyɛ̂ tə̂ ang.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

2 Timɔte 2:21

D əw kə̂ inya nɛ̂n-ddaje kə̂ maji ang kə̂ m-pa tarɛ̂ nəənn a, nâ to sambe kə̂ daw ngəm mba ndɔ kusu, dâ kundɛ̂ dang mba kula lə Lubba. Əbbə-dəwje a kunnɛ̂ mba dda nɛ̂n kula, nâ to ngɔsi mba dda kulaje tɔyn kə̂ maji.

2 Timɔte 3:17

Baann bba karə dəw lə Lubba to ngɔsi ngaâ asə ta dda kulaje tɔyn kə̂ maji.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Titə 3:1

Ole mə njê-mə-kunnje tɔyn arə n̂-bbəəl tɔkə mbayje kə njê-kɔn-bbeje. Maji karə dooje tade ta n̂-toje ngɔsi mba dda nɛ̂n tɔyn kə̂ maji.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 10:24

Maji karə jundaje kəmje dɔ naan tə̂, jarə ndiki to məje tə̂ ddəm n-ddaje nɛ̂nje kə̂ maji ddəm.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 2:6

Dəw kə̂ pa nan n̂-dda mə-kâra kə Lubba a, maji karə dəw le nja tokə Jeju nja.