Epɛjinyɛje 2:1 - Dɔnɔn kə̂ Siki: Tar kə̂ aw arə təbbə

¹ Ləw, kəm Lubba tə̂, ə-toje tokə lə dəwje kə̂ oy mba nɛ̂n-ddaje ləse kə̂ to kə dɔgɔlɛ̂ ang ddəm nɛ̂n-ddaje kə̂ maji ang ddəm.

Epɛjinyɛje 2:1 Iomraidhean Croise

Matiye 8:22

Jeju ilɛ̂ tə̂ nan: «Unn gom ta inya yoje arə dubbuje yoje ləde.»

Luku 15:24

mba ngonnəm kə̂ ooeje nəənn oy bba ndol. N̂-nayn kɔrɔ̂ bba mingɛ̂.› Dunnje kutu dda kusu le.

Luku 15:32

To maji ta dda kusu ta dda rɔ-nəəl, mba ngokɔin nəənn oy bba ndol. N̂-nayn kɔrɔ̂ bba jingɛ̂.› »

Tar kə̂ Maji kə̂ Jan dda makəturu tə̂ 10:10

Nje-bboko ddee mba bboko nɛ̂n, mba tɔl nɛ̂n, mba tuju nɛ̂n njaa a bbayɛ̂. A əman, m-ddee ta karə dəwje ingaje təbbə tokə banya uta dɔɛ̂.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 5:21

Ddəw kâra baa tokə Bɔ aw ndol dəwje kə̂ oyje ngaâ arə disije kəm baa le, Ngonn aw dda arə dəw isi kəm baa tokə məɛ̂ ndiki tɔ.

Tar kə̂ Maji kə̂ Jan dda makəturu tə̂ 5:25

Tɔkɔrɔ njaa, m-pa marəse, kar aw ddee ngaâ karɛ̂ le asə mban. Dəwje kə̂ oyje a kooje ndu Ngonn lə Lubba ngaâ njê kə̂ a kooje ndue le a kisije kəm baa.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 15:45

Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»

2 Kɔrɛntinyɛje 5:14

Mba n-gərə to Kristə ndikije nya, jeje kə̂ n-gərə to dəw kâra baa kə̂ to Kristə le oy mba dəwje tɔyn, yeenn a, dəwje tɔyn oyje tɔ.

Epɛjinyɛje 4:18

Kəjəje ləde toje to kəjəje kə̂ tuju. Təbbə kə̂ Lubba aw arə dəwje to mbade ang. N̂-gərəje nɛ̂n kâra ang, mba məde kətərə.

Epɛjinyɛje 5:14

Mba nɛ̂n tɔyn kə̂ tee kə ddaka to lo-karɛ. Mba yeenn bba Makəturu lə Lubba pa nan: «Əi kə̂ aw tibbi nəənn, ə-ndol In taar horo dəwje tə̂ kə̂ oyje, a Kristə a kuru ndoko laa dɔi tə̂.»

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

1 Timɔte 5:6

A dɛnɛ̂n-ndubba kə̂ unn rɔɛ̂ mba rɔ-nəəl kə̂ nangə̂ nəənn isi kəm baa ddəw da-rɔ tə̂, a ddəw ndil tə̂ noy mban.

1 Jan 3:14

Jeje n-ndikije ngakɔnje, mba yeenn â n-gərəje to n-teeje ta yo tə̂ ngaâ jingaje təbbə mban. Dəw kə̂ ndiki ngokɔɛ̂n ang nayn mə yo tə̂ bbay.

Apokalisi 3:1

«Ə-dda makəturu ula nɛ̂n arə anjə kə̂ Egilisi tə̂ kə̂ Sardə ə-pa nan: «Tar kə̂ dəw kə̂ ee kə ndilje lə Lubba kə̂ siri kə əndɛtɛrɛndɛnje siri pa â nəənn: M-gərə kulaje kə̂ aw dda, dəwje ooje to isi kəm baa, a oy mban.