Epɛjinyɛje 1:7 - Dɔnɔn kə̂ Siki: Tar kə̂ aw arə təbbə

⁷ Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 1:7 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Matiye 6:12

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Marke 14:24

Jeju pa arəde nan: «Yeenn to məsəm. To məsə kə̂ Lubba ɔsu nɛ̂n dɔnɔn, məsə kə̂ kayn nangə̂ mba dəwje tokə banya.

Luku 1:77

ta tɔju dəwje laa tar kaji ddəw kɔru tar majangje ləde dɔde tə̂.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 20:23

Dəw kə̂ ɔruje tar majang laa dɔɛ̂ tə̂ a, Lubba a ɔru tar majang laa tɔ. Dəw kə̂ ɔruje tar majang laa ang a, tar majang laa a nayn dɔɛ̂ tə̂.»

Kulaje 10:43

Njê-kilaje mbər tar lə Lubba tɔyn paje tar laa nan: ‹Dəw kə̂ unn məɛ̂ arə Jeju a, Lubba ɔru tar majang laa dɔɛ̂ tə̂ kə ri Jeju le.› »

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Rɔmɛnje 2:4

Lubba aw dda maji səi nya. N̂-ndiki ta gangə sariya dɔi tə̂ kə tɔkɛ̂ ang. Naw nooi kə kəmɛ̂, a oo nɛ̂njeenn to nɛ̂n kə̂ baa wa? Ə-gərə to Lubba aw dda səi mə-maji baann karə ə-turu məi ang wa?

Rɔmɛnje 3:24

Dəwje ukaje marə nɛ̂n ang ddəm a ddəw mə-maji tə̂ lə Lubba, n̂-dda narə n̂-ddeeje gatə gatə ddəw tə̂ lə Jeju-Kristə kə̂ ɔrude mə majang tə̂ kə ddang.

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Epɛjinyɛje 1:14

Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Epɛjinyɛje 1:8

Tɔkɔrɔ njaa, n̂-dda kə je mə-maji bo nya ngaâ narəje nɛ̂n-gərə tɔyn kə kəm-karɛ tɔyn.

Epɛjinyɛje 2:4

A Lubba oo kəm-to-ndoo ləje nya, mba n̂-ndikije nya.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Epɛjinyɛje 3:16

M-duje nya karə ddəw piti tə̂ laa kə̂ uta dɔɛ̂, narəse singa nya məse tə̂ ddəw tə̂ lə Ndil-mə-nda.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Pilipinyɛje 4:19

Lubba le a karəse nɛ̂nje tɔyn kə̂ ə-ndikije ddəw tə̂ lə Jeju-Kristə, mba nɛ̂n-kinga laa to baa kə nangə̂.

Kolosinyɛje 1:14

Ddəw tə̂ lə Ngonnɛ̂ le, Lubba ɔruje mə majang tə̂ kə ddang ngaâ tar majangje ləje ɔru dɔje tə̂.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:13

Yeenn a, sese kə̂ ləw, nayn to oyje mba majang ləse ddəm mba ganja kə̂ da-rɔ tə̂ kə̂ ujaje ang le ddəm, Lubba dda arə ə-təlje isije kəm baa kə Kristə. Nɔru tar majangje ləje tɔyn dɔje tə̂.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 3:6

Lubba arə Ndil le ddee dɔje tə̂ kə nangə̂ baa ddəw tə̂ lə Jeju-Kristə kə̂ to Nje-kajije.

Ebərəje 9:22

Ddəw Ndu tə̂ lə Mɔyijə, məsə â aw toko nɛ̂nje nya arə ddee maji. Bbo məsə ungu nangə̂ ang a, tar majang ɔru dɔ dəw tə̂ ang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 2:12

Ngannəm, m-dda makəturu nəənn marəse, mba Lubba ɔru tar majang ləse dɔse tə̂ mba ri Jeju.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.