Epɛjinyɛje 1:6 - Dɔnɔn kə̂ Siki: Tar kə̂ aw arə təbbə

⁶ Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Epɛjinyɛje 1:6 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 20:9

Njê kə̂ ddeeje kə gɔl kar min kə̂ lo-kul tə̂ le ddeeje ngaâ ingaje kandə narɛ kâra kâra tɔyn.

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 10:17

«Bɔ ndikim, mba munn təbbə ləm marə bba ta təl kinga təbbə le guku.

Tar kə̂ Maji kə̂ Jan dda makəturu tə̂ 3:35

«Bɔ ndiki Ngonn arə ninya nɛ̂n tɔyn jia tə̂.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Epɛjinyɛje 1:12

Yeenn a, maji karə jeje kə̂ n-toje to dɔngɔr dəwje kə̂ unda məde dɔ Kristə tə̂ jɔsuje gajɛ̂.

Epɛjinyɛje 1:14

Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Pilipinyɛje 4:19

Lubba le a karəse nɛ̂nje tɔyn kə̂ ə-ndikije ddəw tə̂ lə Jeju-Kristə, mba nɛ̂n-kinga laa to baa kə nangə̂.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!