Epɛjinyɛje 1:3 - Dɔnɔn kə̂ Siki: Tar kə̂ aw arə təbbə

³ Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 1:3 Iomraidhean Croise

Luku 2:28

Simenyɔ le tɛɛ̂ uwɛ̂ jia tə̂ ngaâ ɔsu gaji Lubba pa nan:

Tar kə̂ Maji kə̂ Jan dda makəturu tə̂ 14:20

Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Rɔmɛnje 12:5

Jeje kara n-toje tokə baann tɔ. N-toje tokə banya nya njaa, a n-ddeeje to da-rɔ kə̂ kâra baa ddəw mə-kâra tə̂ kə̂ n-ddaje kə Kristə arə n-ddeeje kâra baa tokə barkəm-rɔ kə̂ kâra baa tɔ.

Rɔmɛnje 15:6

Yeenn bba, məse a to kâra baa ngaâ â mbɔnje tase mba kɔsu nɛ̂n gaji Lubba kə̂ to Bɔ Əbbəjeje Jeju-Kristə.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 12:12

Junnje nɛ̂n-kɔju-marɛ̂. Da-rɔ dəw kâra baa, a barkəm-rɔ dəw â banya. Barkəm-rɔ kə̂ dang dang le mbɔnje naan ngaâ toje kâra baa. Nɛ̂ɛnn to ddəw kâra baa kə Kristə.

2 Kɔrɛntinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. N̂-to Bɔ kə̂ aw oo kəm-to-ndoo lə dəwje ddəm n̂-to Lubba kə̂ aw wul mə dəwje mə nɛ̂nje tə̂ tɔyn ddəm.

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 3:9

Yeenn a, Lubba bbar tar kə̂ maji dɔ dəwje tə̂ tɔyn kə̂ unnje məde le naan tə̂ kə Abaraham kə̂ to nje-mə-kunn.

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 1:20

n̂-tɔju kə ddaka dɔ Kristə tə̂, kar tə̂ kə̂ noy, a n̂-ndole ngaâ narə nisi dɔ ji-kɔlɛ̂ tə̂ darâ,

Epɛjinyɛje 2:6

Ddəw mə-kâra tə̂ kə̂ n-ddaje kə Jeju-Kristə, Lubba ndolje naan tə̂ saa ngaâ arə jisije darâ naan tə̂ kâra baa kə Kristə le.

Epɛjinyɛje 3:10

Yeenn bba bbasinɛn, ddəw tə̂ lə Egilisi, singa-mɔnguje kə singa kɔn-mbayje kə̂ mə dara tə̂ gərəje nɛ̂n kəm-karɛ lə Lubba dang dang,

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Pilipinyɛje 2:11

ngaâ karə dəwje tɔyn paje kə tade nan Jeju-Kristə to Əbbə-dəwje mba kɔsu nɛ̂n gaji Lubba kə̂ Bɔ.

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

Ebərəje 9:23

Daw toko nɛ̂nje kə̂ toje to ndil nɛ̂nje baa kə̂ darâ darə ddee maji tokə baann. A nɛ̂nje kə̂ toje to nɛ̂nje kə̂ tɔkɔrɔ kə̂ mə dara tə̂, to ta karə nɛ̂n-poloje kə̂ maji uta â n̂-toko nɛ̂n.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə