Epɛjinyɛje 1:21 - Dɔnɔn kə̂ Siki: Tar kə̂ aw arə təbbə

²¹ dɔ ndilje tə̂ tɔyn kə̂ aw ɔnje mbay, dɔ singa-mɔnguje tə̂ tɔyn kə dɔ rije tə̂ tɔyn kə̂ dəwje aw bbar nangə̂ nəənn, ndɔ tə̂ kə̂ bbokənɛn ddəm kə̂ bara ddəm.

Epɛjinyɛje 1:21 Iomraidhean Croise

Matiye 12:32

Bbo dəw pa tar kə̂ mbətə Ngonn lə dəw a, Lubba a kɔru tar dɔɛ̂ tə̂. A dəw kə̂ pa tar kə̂ mbətə Ndil-mə-nda, Lubba a kɔru tarɛ̂ dɔɛ̂ tə̂ bbokənɛn nəənn ang ddəm ndɔ kə̂ bara ang ddəm.»

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 3:10

Yeenn bba bbasinɛn, ddəw tə̂ lə Egilisi, singa-mɔnguje kə singa kɔn-mbayje kə̂ mə dara tə̂ gərəje nɛ̂n kəm-karɛ lə Lubba dang dang,

Epɛjinyɛje 6:12

To dəw â jaw ddaje ddɔ saa ang. Jaw ddaje ddɔ kə ndilje kə̂ aw ɔnje mbay, njê-singaje kə̂ duninya tə̂ nəənn kə̂ to lo ndul tə̂ kə ndilje kə̂ maji ang kə̂ mə dara tə̂.

Kolosinyɛje 2:10

Sese kara, ingaje nɛ̂nje tɔyn kə nangə̂ baa ddəw mə-kâra tə̂ kə̂ ə-ddaje saa, ne kə̂ nɔn dɔ ndilje tɔyn kə̂ aw ɔnje mbay ddəm singa-mɔnguje tɔyn ddəm.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

Ebərəje 1:4

Mba yeenn bba, Lubba dda arə Ngonnɛ̂ le uta anjəje ngaâ ri kə̂ n̂-bbarɛ̂ nɛ̂n ngəng uta ri kə̂ n̂-bbar nɛ̂n anjəje.

Ebərəje 2:5

Duninya kə̂ bara kə̂ jaw pa tarɛ̂ nəənn le, anjəje â Lubba arəde singa mba kɔn dɔɛ̂ ang.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.