Epɛjinyɛje 1:17 - Dɔnɔn kə̂ Siki: Tar kə̂ aw arə təbbə

¹⁷ M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 1:17 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 11:27

«Bɔy inya nɛ̂nje tɔyn jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Matiye 20:33

Dilɛ̂ tə̂ nan: «Əbbəjeje, arə joo lo.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 12:12

Mba mə kar tə̂ənn njaa, Ndil-mə-nda a tɔjuse tar kə̂ â paje.»

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 16:3

Dâ ddaje nɛ̂njeenn mba n̂-gərəje Bɔ ang ddəm n̂-gərəmje ang ddəm.

Tar kə̂ Maji kə̂ Jan dda makəturu tə̂ 17:3

Təbbə kə̂ to kə ndɔ kə ndɔ le, to karə n̂-gərije, əi kâra baa kə̂ ə-to Lubba kə̂ tɔkɔrɔ ddəm Jeju-Kristə kə̂ ulɛ̂ ddəm.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Kulaje 6:10

A tar kəm-karɛ kə̂ Ndil-mə-nda arə naw pa le uta dɔde.

Kulaje 7:2

Etiyɛnn ila tə̂ nan: «Ngakɔnʼmje, bɔydede, ooje tar nəənn. Kete bba karə bɔjeje Abaraham ddee dda bbe Karan le, Lubba kə̂ to nje-piti tee ingɛ̂ kar tə̂ kə̂ nisi nɛ̂n nangə tə̂ kə̂ Mejopotami

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 15:6

Yeenn bba, məse a to kâra baa ngaâ â mbɔnje tase mba kɔsu nɛ̂n gaji Lubba kə̂ to Bɔ Əbbəjeje Jeju-Kristə.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 14:6

Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.

1 Kɔrɛntinyɛje 2:10

A jeje â Lubba arə Ndil-mə-nda tɔju nɛ̂nje le kə ddaka arəje. Mba Ndil-mə-nda gərə nɛ̂nje tɔyn. Nɛ̂nje lə Lubba kə̂ nayn lo-kiyɛ̂ tə̂ kara n̂-gərə.

1 Kɔrɛntinyɛje 2:8

Dəw kâra horo njê-kɔn-bbeje tə̂ kə̂ nangə̂ nəənn gərə kəm-karɛ le ang. Bbo n̂-gərəje kəm-karɛ le a, dâ tɔlje Əbbə-dəwje kə̂ piti to laa le kakə-dəsə tə̂ ang.

2 Kɔrɛntinyɛje 12:1

To tar ləm ta kunda gum wa? Yeenn to marə nɛ̂n kâra ang njaa. A bbasinɛn mâ pa tar nɛ̂nje kə̂ moo tokə lə ninjeenn kə tar nɛ̂nje kə̂ Əbbə-dəwje tɔju kə ddaka arə moo.

Epɛjinyɛje 1:3

Jɔsuje gaji Lubba kə̂ to Bɔ Əbbəjeje Jeju-Kristə. Mba narəje gusuje lə Ndil kə̂ in darâ ddee ddəw mə-kâra tə̂ kə̂ n-ddaje kə Kristə.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

Epɛjinyɛje 4:13

N̂-dda baann ndərəng karə jeje tɔyn mə-kunn ləje to kâra baa ngaâ karə n-gərəje Ngonn lə Lubba. Ngaâ karə n-ddeeje to dəwje kə̂ sangəje kə majɛ̂ asə naan kə Kristə.

Pilipinyɛje 3:15

Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Jakə 2:1

Ngakɔnʼmje, unnje məse arəje Əbbəjeje Jeju-Kristə kə̂ piti to laa mban. Maji karə ɔruje kəm dəw ang ngaa.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»