Epɛjinyɛje 1:14 - Dɔnɔn kə̂ Siki: Tar kə̂ aw arə təbbə

¹⁴ Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 1:14 Iomraidhean Croise

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 20:32

«A bbasinɛn minyase ji Lubba tə̂ kə tar mə-maji tə̂ laa kə̂ asə ta dda karə ə-sangəje ddəm karə ingaje nɛ̂nje kə̂ maji kə̂ n̂-gɔl mba dəwje laa ddəm.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

2 Kɔrɛntinyɛje 5:5

Lubba â gɔlje mba nɛ̂ɛnn le ngaâ narəje Ndil laa ta nginan nɛ̂n nɛ̂nje kə̂ n̂-gɔl mba tar ləje.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Epɛjinyɛje 1:11

Ddəw mə-kâra tə̂ kə̂ n-ddaje kə Kristə le jinga nɛ̂n kə̂ to ɔju dɔje. Mba Lubba mbərəje kete, ne njaa n̂-gɔl tokə baann. Naw dda nɛ̂nje tɔyn kə turu ndue tokə məɛ̂ ndiki.

Epɛjinyɛje 1:12

Yeenn a, maji karə jeje kə̂ n-toje to dɔngɔr dəwje kə̂ unda məde dɔ Kristə tə̂ jɔsuje gajɛ̂.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.