Ebərəje 9:28 - Dɔnɔn kə̂ Siki: Tar kə̂ aw arə təbbə

²⁸ Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

Ebərəje 9:28 Iomraidhean Croise

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 25:31

«Ndɔ kə̂ Ngonn lə dəw a ddee kə anjəje laa tɔyn mə piti tə̂ laa a, nâ kisi dɔ ngende-mbay tə̂ laa kə̂ to nɛ̂n-piti.

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Tar kə̂ Maji kə̂ Jan dda makəturu tə̂ 14:3

Bbo maw dda lo marəse a, mâ təl ddee kotose karə lo kə̂ mee tə̂ a, sese kara eeje tə̂ tɔ.

Kulaje 1:11

Dingawje le paje arəjede nan: «Dəwje kə̂ Galile, mba ddi bba arje nəənn aw aaje lo kə darâ wa? Jeju kə̂ Lubba unnɛ̂ horose tə̂ aw saa kə darâ le a təl ddee tokə kaw laa kə̂ ooje nəənn.»

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 5:15

A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.

Rɔmɛnje 6:10

Koy kə̂ noy le noy gɔl kâra baa njaa a bbayɛ̂, ta tee kə dəwje mə bbərə tə̂ lə majang kə ddang. A bbasinɛn kə̂ nisi kəm baa le nisi kəm baa mba Lubba.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

1 Kɔrɛntinyɛje 1:7

Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.

1 Kɔrɛntinyɛje 15:54

Ndɔ kə̂ rɔ kə̂ a tuju le turu to rɔ kə̂ a tuju ang ngaâ rɔ kə̂ a koy le turu to rɔ kə̂ a koy ang a, tar kə̂ makəturu tə̂ lə Lubba a ddee to nɛ̂n kə̂ tɔkɔrɔ. Tar le nan: «N̂-tuju yo kə ddang ngaa, to ndɔ tətə ddɔ kə bo.»

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

2 Tesalonisinyɛje 2:1

Ngakɔnje, tar kə̂ ɔju dɔ ddee lə Əbbəjeje Jeju-Kristə kə tar mbɔn-naan ləje rɔɛ̂ tə̂ le, nɛ̂n kə̂ jaw dujuse â nəənn:

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 10:10

Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Ebərəje 7:27

Kəsə tɔkə njê-poloje Lubba aw arəje nɛ̂n-polo Lubba kə ndɔ kâra kâra tɔyn, dɔngɔrɛ̂ darəje mba majang ləde dede njaa ngaa bba goe tə̂ a darəje mba majang lə kəsə dəwje. A Jeju to tokə baann ang. Narə nɛ̂n-polo gɔl kâra baa, to da-rɔɛ̂ njaa kə̂ nunn narə to nɛ̂n-polo.

Ebərəje 9:25

Bbal kâra kâra tɔyn, tɔkə nje-polo Lubba aw andə mə kəy tə̂ lə Lubba kə məsə da. A Kristə andə mə dara tə̂ ta kunn rɔɛ̂ karə Lubba gɔl banya nya ang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

2 Piyɛr 3:12

Maji karə ə-nginanje ddee le ndɔ lə Lubba le ta ə-ddaje arəje ndɔ le ddee njangə. Mba ndɔɛ̂ le puru a kɔn dara, puru a kɔn nɛ̂nje kə̂ darâ ngaâ a lɛɛnje.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.