Ebərəje 9:27 - Dɔnɔn kə̂ Siki: Tar kə̂ aw arə təbbə

²⁷ To ta karə dəw oy gɔl kâra baa. Goe tə̂ a, sariya a ddee.

Ebərəje 9:27 Iomraidhean Croise

Luku 20:32

Gode tə̂ a, dɛnɛ̂n-ndubba le oy tɔ.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Rɔmɛnje 2:5

A məi kətərə arə ə-ndiki ta turu ddəw ləi ang. Aw mbɔn wungu lə Lubba dɔi tə̂ mba nginan nɛ̂n ndɔ kə̂ Lubba a gangə nɛ̂n sariya laa kə̂ gatə gatə dɔ dəwje tə̂.

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

Ebərəje 10:27

Bbay nɛ̂n kə̂ nayn â to, ta bbəəl nginan nɛ̂n sariya lə Lubba kə̂ a ddee ddəm puru kə̂ ɔn kə singa nya kə̂ to ngɔsi ta kɔn dəwje kə̂ mbətəje ta koo ta Lubba ddəm.

Ebərəje 6:2

tar batɛmje, tar kila ji dɔ dəwje tə̂, tar ndol lə dəwje kə̂ oyje kə tar sariya kə̂ to kə ndɔ kə ndɔ le.

1 Jan 4:17

Ddəw nɛ̂n tə̂ kə̂ be â ja gərəje to ndiki laa to məje tə̂ kə majɛ̂. Baann bba məje a koso pɔn ndɔ gangə sariya tə̂, mba kisi ləje dɔ nangə tə̂ to ddəw kâra baa kə ənga Jeju.

Judə 1:15

mba gangə sariya dɔ dəwje tə̂ tɔyn kə̂ duninya tə̂ ngaâ nâ dda karə dəwje kə̂ ddaje majang gərəje majangje ləde ngaâ karə njê-nɛ̂n-ddaje kə̂ maji ang gərəje go tarje kə̂ maji ang kə̂ paje dɔɛ̂ tə̂.»

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.