Ebərəje 9:24 - Dɔnɔn kə̂ Siki: Tar kə̂ aw arə təbbə

²⁴ Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.

Ebərəje 9:24 Iomraidhean Croise

Matiye 18:10

«Aaje kə majɛ̂! Dang bba ə-yabbəje marə dəw kâra horo dəwje tə̂ kə̂ tɛn nəənn ang. M-pa marəse, anjəje ləde aw arje kə ndɔ tɔyn nɔn Bɔmje tə̂ darâ. [

Marke 14:58

«Joo tɛɛ̂ tə̂ njaa, n̂-pa nan: ‹Mâ tɔ kəy-polo Lubba nəənn kə̂ dəwje â ddaje. Mâ dda marɛ̂ kə̂ dəwje â ddaje ang mə ndɔ mota tə̂.› »

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Luku 24:51

Kar tə̂ kə̂ naw bbar tar kə̂ maji dɔde tə̂ le a, nɔtu ninyade ngaâ dunnɛ̂ daw saa darâ.

Tar kə̂ Maji kə̂ Jan dda makəturu tə̂ 16:28

Min rɔ Bɔy tə̂ bba m-ddee duninya tə̂. Bbasinɛn, maw minya duninya ta təl kə rɔ Bɔy tə̂.»

Tar kə̂ Maji kə̂ Jan dda makəturu tə̂ 6:62

Ngaâ bbo ooje Ngonn lə dəw in aw kə darâ, lo kə̂ nee tə̂ dɔngɔr le a, â paje nan ddi wa?

Kulaje 3:21

Karje tə̂ nəənn, Kristə le a nayn darâ ndərəng ndɔ kə̂ Lubba a təl kə nɛ̂nje tɔyn karə to kə dɔgɔlɛ̂. Tar nəənn le Lubba unda ta njê-kilaje mbər tar tə̂ laa kə̂ nundade dang narə paje.

Rɔmɛnje 8:33

Nân bba a kunda tar dɔ dəwje tə̂ kə̂ Lubba mbərəde wa? Dəw kâra ang, mba Lubba njaa arə n̂-ddeeje gatə gatə kəmɛ̂ tə̂.

2 Kɔrɛntinyɛje 5:1

N-gərə, da-rɔje kə̂ nangə̂ nəənn kə̂ tokə kəy-kam baa to nɛ̂n kə̂ aw tuju. A marə kəy ləje kə̂ Lubba dda darâ to. To kəy kə̂ ji dəw â dda ang ngaâ a nayn kə ndɔ kə ndɔ.

Kolosinyɛje 3:2

Maji karə əjəje kə dɔ nɛ̂n tə̂ kə̂ darâ, bbo dɔ nɛ̂n tə̂ kə̂ nangə̂ nəənn ang.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Ebərəje 6:20

Jeju andə lo tə̂ le kete arəje to nje-kɔru nɔnje. N̂-ddee to tɔkə nje-polo Lubba tokə Mɛlkisedɛk. Nâ nayn to tɔkə nje-polo Lubba kə̂ to kə ndɔ kə ndɔ.

Ebərəje 8:2

Naw dda kula laa le lo tə̂ kə̂ n̂-sangə nya bbay mə kəy-tande kinga-naan tə̂ kə̂ tɔkɔrɔ, kə̂ Əbbə-dəwje â dda, bbo dəw â dda ang.

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

Ebərəje 9:1

Dɔnɔn kə̂ dɔngɔr tɔju ddəwje kə̂ dəwje a poloje nɛ̂n Lubba ddəm tɔju marə kəy lə Lubba kə̂ dɔ nangə tə̂ ddəm.

Ebərəje 9:23

Daw toko nɛ̂nje kə̂ toje to ndil nɛ̂nje baa kə̂ darâ darə ddee maji tokə baann. A nɛ̂nje kə̂ toje to nɛ̂nje kə̂ tɔkɔrɔ kə̂ mə dara tə̂, to ta karə nɛ̂n-poloje kə̂ maji uta â n̂-toko nɛ̂n.

Ebərəje 9:9

Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.

Apokalisi 8:3

Marə anjə dang bbay ddee ar mbɔr bann tə̂ le. Nuwa marə ngonn jo ro dukann kə̂ n̂-dda kə andə jia tə̂. Darɛ̂ dukann tokə banya karə n̂-ro dɔ bann tə̂ kə̂ n̂-dda kə andə kə̂ to nɔn ngende-mbay tə̂ le ddəm karə n̂-ddee kə dujuje lə dəwje lə Lubba tɔyn nɔn Lubba tə̂ le ddəm.