Ebərəje 9:14 - Dɔnɔn kə̂ Siki: Tar kə̂ aw arə təbbə

¹⁴ Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Ebərəje 9:14 Iomraidhean Croise

Matiye 12:28

A bbo Ndil lə Lubba â maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Matiye 16:16

Simɔn Piyɛr ilɛ̂ tə̂ nan: «Ə-to Mesi, Ngonn lə Lubba kə̂ nje-kisi kəm baa.»

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Luku 1:74

Yeenn bba nɔruje ji njê-baanje tə̂ ngaâ narəje ddəw ta karə n̂-pole kə bbəəl ang,

Luku 12:24

Ooje əgaanje: N̂-dubbuje nɛ̂n ang ddəm dujaje ko-ndɔɔ ang ddəm lo ngəm nɛ̂n-kusaje ləde goto ddəm dam ləde goto ddəm. A Lubba aw ngəmde kə nɛ̂n-kusa. Ta koo a, gatəse uta gatə əəlje nya bbay!

Luku 12:28

Bbo Lubba ula kubbu kə̂ kura kakəje kə̂ mə mu tə̂ kə̂ toje bbokənɛn ngaâ bara a, dâ kungude purô a, Lubba a dda kə se karə uta yeenn ang wa, see njê kə̂ mə-kunn ləse ngaji baa!

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Kulaje 1:2

ndərəng ndɔ tə̂ kə̂ Lubba unnɛ̂ təl saa darâ. Kete bba karə Lubba təl saa darâ le, nunn ndu ddəw tə̂ lə Ndil-mə-nda narə njê-kaw-kulaje kə̂ n̂-mbərəde.

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 14:15

«Mba ddi bba ə-ddaje nɛ̂n tokə be wa? Jeje kara n-to dəwje tokə sese tɔ. Jaw pa Tar kə̂ Maji jarəse karə ta ə-mbətəje nɛ̂n kə̂ ture goto, ta aaje lo kə rɔ Lubba tə̂ kə̂ isi kəm baa. Lubba le â dda dara kə nangə, ba-katə kə nɛ̂nje tɔyn kə̂ toje tə̂.

Kulaje 15:9

Nɔru kəmde dang kə jeje ang. Lubba toko məde mba mə-kunn ləde.

Rɔmɛnje 1:20

Marə nɛ̂nje lə Lubba kə̂ dəw oo ang toje. Nɛ̂nje tokə singa-mɔngu laa kə̂ to kə ndɔ kə ndɔ kə kisi laa kə̂ nisi to Lubba le dəwje aw ooje ləw baa, kunn-kute tə̂ kə̂ Lubba dda duninya. Nɛ̂njeenn, dəwje aw ooje ddəw nɛ̂nje tə̂ kə̂ n̂-dda ngaâ n̂-gərəje kə majɛ̂. Mba yeenn bba, Lubba a kɔru tar dɔ dəwje tə̂ ang.

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 11:24

Sese kə̂ ə-toje to Jiipije ang le ə-toje tokə barkəm kakə olibə kə̂ muû kə̂ n̂-tuka ngaâ tinya kar ye tə̂ kə̂ n̂-dubbu mə ndɔɔ tə̂. Yeenn to nɛ̂n kə̂ asə dda ang, a Lubba dda. Yeenn a, ta təl kə Jiipije kə̂ toje to barkəm olibə kə̂ n̂-dubbu ndɔɔ̂ le turude tə̂ a to nɛ̂n kə̂ ngəng ang.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

1 Kɔrɛntinyɛje 15:45

Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

Galatəje 2:19

Əman, to dəw kə̂ oy yo Ndu mban bba ta nayn kəm baa mba Lubba. Moy kə Kristə naan tə̂ kâra baa dɔ kakə-dəsə tə̂.

Epɛjinyɛje 2:5

Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

1 Tesalonisinyɛje 1:9

Dəwje tɔyn aw paje tar tee kə̂ n-tee rɔse tə̂, ndɔ tə̂ kə̂ jaw nɛ̂n bbeê ləse kə gusu kə̂ inyaje nɛ̂n kɔrje kə̂ aw poloje, a ə-turuje rɔse kə rɔ Lubba tə̂ ta dda saa, ne Lubba kə̂ nisi kəm baa ddəm n̂-to Lubba kə̂ tɔkɔrɔ ddəm le

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 10:10

Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 10:12

A Kristə arə nɛ̂n-polo kâra baa mba majangje. Goe tə̂ a, nisi dɔ ji-kɔl Lubba tə̂ nyɔm kə ləw.

Ebərəje 10:2

Mba bbo Ndu asə ta dda tokə baann a, dəw a karə nɛ̂n-polo ang ngaa. Mba njê kə̂ aw poloje Lubba tokə baann le, dâ toko nɛ̂n-yərəw ləde gɔl kâra baa njaa nyɔm ngaâ kəjə tə̂ ləde dâ kooje rɔde to dəwje kə̂ ddaje majang kâra ang.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 11:21

Ddəw mə-kunn tə̂ â kar kə̂ Jakobbo nayn ngɔsi baa ta koy a, bbar tar kə̂ maji dɔ ngann lə Jojɛpə tə̂ kâra kâra. Nɔsu əngo-nɔɛ̂n dɔ kakə tə̂ kə̂ naw tɔsu ngaâ n̂-duju Lubba.

Ebərəje 13:12

Mba yeenn bba Jeju njaa kara oy giri bbe tə̂ ddaka mba toko nɛ̂n nɛ̂n-yərəw lə dəwje kə məse njaa.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Ebərəje 6:1

Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.

Ebərəje 7:27

Kəsə tɔkə njê-poloje Lubba aw arəje nɛ̂n-polo Lubba kə ndɔ kâra kâra tɔyn, dɔngɔrɛ̂ darəje mba majang ləde dede njaa ngaa bba goe tə̂ a darəje mba majang lə kəsə dəwje. A Jeju to tokə baann ang. Narə nɛ̂n-polo gɔl kâra baa, to da-rɔɛ̂ njaa kə̂ nunn narə to nɛ̂n-polo.

Ebərəje 9:12

Kristə andə lo tə̂ kə̂ n̂-sangə dang nya bbay le gɔl kâra baa njaa a bbayɛ̂. Məsə bal-binyaje kə məsə ngann mangəje â naw nɛ̂n to nɛ̂n-polo ang. Məse njaa naw nɛ̂n bba nɔru nɛ̂n je kə ddang mə majang tə̂ ləje nyɔm nyɔm.

Ebərəje 9:26

Mba bbo tokə baann a, nâ koo ndoo koy nɛ̂n gɔl banya nya, kunn-kute tə̂ kə̂ Lubba dda nɛ̂n duninya. A bbasinɛn nəənn, ddutu ndɔje tə̂ nəənn, Kristə ddee gɔl kâra baa to dɔbɔyn. Nunn rɔɛ̂ njaa narə to nɛ̂n-polo ta kɔru nɛ̂n majang kə ddang.

Ebərəje 9:7

A mə kəy tə̂ kə̂ to joo laa le, tɔkə nje-polo Lubba kə karɛ̂ baa â aw andə tə̂ gɔl kâra baa njaa mə bbal tə̂ kâra. Naw nandə mə kəy tə̂ le kə məsə ta karə Lubba to nɛ̂n-polo mba majang laa ne njaa ddəm mba majang lə dəwje ddəm.

Ebərəje 9:9

Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.

1 Piyɛr 1:19

Məsə Kristə kə̂ ngəng nya â uka nɛ̂n dɔse. Kristə le to tokə ngonn batə kə̂ marə nɛ̂n tuju rɔɛ̂ tə̂ ang ddəm nɛ̂n-yərəw ɔrɛ̂ ang ddəm.

1 Piyɛr 2:22

Kristə dda majang ang, nərə ngəm ndɔ kâra ang.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.