Ebərəje 9:11 - Dɔnɔn kə̂ Siki: Tar kə̂ aw arə təbbə

¹¹ A Kristə ddee mban. N̂-to tɔkə nje-polo Lubba kə̂ aw arəje nɛ̂nje kə̂ maji kə̂ toje tə̂ənn mban. Nandə mə kəy-tande tə̂ kə̂ ngəng uta ye kə̂ kete ddəm asə tɔyn ddəm. To dəw â dda kəy-tande le ang, yeenn pa nan to nɛ̂n kə̂ nangə̂ nəənn ang.

Ebərəje 9:11 Iomraidhean Croise

Matiye 11:3

daw dujeje nan: «Əi â ə-to dəw kə̂ a ta ddee le wase maji karə n-ngəbbə marə dəw dang wa?»

Matiye 2:6

‹Əi kə̂ Betelehɛm, kə̂ nangə Juda tə̂, ə-to tɛn baa horo ngann bbeje tə̂ kə̂ Juda ang. Mba marə mbay-bbe a kin məi tə̂ tee ta kɔru nɔn ngann Ijarayɛlje kə̂ toje to dəwje ləm.› »

Marke 14:58

«Joo tɛɛ̂ tə̂ njaa, n̂-pa nan: ‹Mâ tɔ kəy-polo Lubba nəənn kə̂ dəwje â ddaje. Mâ dda marɛ̂ kə̂ dəwje â ddaje ang mə ndɔ mota tə̂.› »

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 4:25

Dɛnɛ̂n le pa arə Jeju nan: «M-gərə to Mesi a ddee, ne kə̂ daw bbarɛ̂ nan Kristə le. Bbo n̂-ddee a, nâ kɔru gəl nɛ̂nje tɔyn karəje.»

Kulaje 7:48

«A Nje-kisi ddutu dara tə̂ isi mə kəy tə̂ kə̂ ji dəw dda ang. Ddəw kâra baa tokə nje-kila mbər tar lə Lubba pa nan:

2 Kɔrɛntinyɛje 4:18

Nɛ̂n kə̂ kəm dəw aw oo â jaw jaa lo kə tə̂ ang. Nɛ̂n kə̂ kəm dəw oo ang â jaw jaa lo kə tə̂. Mba nɛ̂n kə kəm dəw oo, to nɛ̂n kə̂ a nday. A nɛ̂n kə̂ kəm dəw oo ang, to nɛ̂n kə̂ a to kə ndɔ kə ndɔ.

2 Kɔrɛntinyɛje 5:1

N-gərə, da-rɔje kə̂ nangə̂ nəənn kə̂ tokə kəy-kam baa to nɛ̂n kə̂ aw tuju. A marə kəy ləje kə̂ Lubba dda darâ to. To kəy kə̂ ji dəw â dda ang ngaâ a nayn kə ndɔ kə ndɔ.

Kolosinyɛje 2:11

Ddəw tə̂ laa, ujaje ganja kə̂ dəw â aw uja ang. To ganja lə Kristə â ujaje. Ganja lə Kristə le ɔru bbo nɛ̂n-dda kə̂ maji ang kə̂ to da-rɔje tə̂ kə ddang.

Ebərəje 10:1

Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 12:27

Tarje kə̂ nan: «Gɔl kâra bbay» le tɔju to nɛ̂nje kə̂ Lubba dda a yəkəje ngaâ a gotoje, ta nɛ̂nje kə̂ asəje ta yəkə ang â ta naynje.

Ebərəje 13:14

Mba, nangə̂ nəənn marə bbe ləje kə̂ a to nyɔm goto arə jaw sangəje bbe kə̂ a to ndɔ tə̂ kə̂ bara.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 7:1

Ləw, Mɛlkisedɛk to tɔkə mbay kə̂ tɔkə bbe tə̂ kə̂ Salɛm ddəm nje-polo Lubba kə̂ nje-kisi ddutu dara tə̂ ddəm. Marə ndɔ, kar kə̂ Abaraham tətə tɔkə mbayje kə ddɔ ngaâ aw təl a, Mɛlkisedɛk le tila kəmɛ̂ ngaâ bbar tar kə̂ maji dɔɛ̂ tə̂.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

2 Jan 1:7

Njê-kərəje dəwje tokə banya taaje lo dɔ nangə tə̂. N̂-paje nan Jeju-Kristə unn da-rɔ dəw bba ddee nɛ̂n ang. Dede le n̂-toje to njê-kərəje dəwje kə njê-baanje lə Kristə.