Ebərəje 9:1 - Dɔnɔn kə̂ Siki: Tar kə̂ aw arə təbbə

¹ Dɔnɔn kə̂ dɔngɔr tɔju ddəwje kə̂ dəwje a poloje nɛ̂n Lubba ddəm tɔju marə kəy lə Lubba kə̂ dɔ nangə tə̂ ddəm.

Ebərəje 9:1 Iomraidhean Croise

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

Ebərəje 8:13

Bbo Lubba pa tar dɔnɔn kə̂ siki a, yeenn pa nan n̂-dda narə ye kə̂ dɔngɔr le ddee to konn nɛ̂n ngaa. A nɛ̂n kə̂ to konn nɛ̂n ngaâ bbuka nya to nɛ̂n kə̂ a nday mbɔr ang.

Ebərəje 8:2

Naw dda kula laa le lo tə̂ kə̂ n̂-sangə nya bbay mə kəy-tande kinga-naan tə̂ kə̂ tɔkɔrɔ, kə̂ Əbbə-dəwje â dda, bbo dəw â dda ang.

Ebərəje 8:7

Bbo dɔnɔn kə̂ dɔngɔr asə tɔyn njaa a, dâ təl kɔsu marɛ̂ to joo laa ang ngaa.

Ebərəje 9:24

Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.