Ebərəje 8:8 - Dɔnɔn kə̂ Siki: Tar kə̂ aw arə təbbə

⁸ A Lubba oo a, dəwje laa naynje aw ddaje nɛ̂nje kə̂ toje kə dɔgɔlɛ̂ ang bbay ngaâ pa nan: «Əbbə-dəwje pa nan: Dɔ ndɔje tə̂ kə̂ aw ddeeje, mâ kɔsu dɔnɔn kə̂ siki kə dəwje kə̂ Ijarayɛl ddəm dəwje kə̂ Juda ddəm.

Ebərəje 8:8 Iomraidhean Croise

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Marke 14:24

Jeju pa arəde nan: «Yeenn to məsəm. To məsə kə̂ Lubba ɔsu nɛ̂n dɔnɔn, məsə kə̂ kayn nangə̂ mba dəwje tokə banya.

Luku 17:22

Goe tə̂ a, Jeju pa arə njê-njaje goe tə̂ nan: «Marə ndɔje kə̂ aw ddeeje, maal koo marə ndɔ kâra horo ndɔje tə̂ lə Ngonn lə dəw a ddase, a â kooje ndɔ le ang.

Luku 22:20

N̂-dda tokə baann kə maann-binyə kə̂ əngo tə̂ le tɔ. Go nɛ̂n-kusa tə̂ le a, nunn maann-binyə kə̂ əngo tə̂ le narəde ngaâ n̂-pa nan: «Maann-binyə kə̂ əngo tə̂ nəənn, to dɔnɔn kə̂ siki kə̂ Lubba ɔsu kə se ddəw məsəm tə̂ kə̂ kayn mba tar dɔse.

Luku 5:38

To maji ta kungu bɛn kə̂ n̂-dda siki bbay mə ku-əndaar tə̂ kə̂ siki tɔ.

1 Kɔrɛntinyɛje 11:25

Ddəw kâra baa, nusa nɛ̂n ngaâ nunn əngo-narɛ, n̂-pa nan: «Əngo-narɛ nəənn to dɔnɔn kə̂ siki kə̂ Lubba ɔsu kə se kə məsəm. Ndɔ tɔyn kə̂ aw ayje a, ayje mba kole nɛ̂n məse dɔm tə̂.»

2 Kɔrɛntinyɛje 3:6

Ne â n̂-dda narə jasə ta to njê-kula dɔnɔn kə̂ siki le. Dɔnɔn kə̂ siki le in mə Ndu tə̂ kə̂ duja makəturu tə̂ to kuja ang. To dɔnɔn kə̂ in rɔ Ndil tə̂. Mba Ndu kə̂ duja makəturu tə̂ aw kə dəw kə yo tə̂, a Ndil aw arə təbbə.

Ebərəje 12:24

Ə-ddeeje ngɔsi mban kə Jeju kə̂ to nje-gɔl-tar dɔnɔn kə̂ siki ddəm ngɔsi kə məsə Jeju kə̂ kayn nangə̂ ngaâ aw pa tar maji nya uta məsə Abɛl ddəm.

Ebərəje 7:22

Mba yeenn bba, n-gərə kə majɛ̂ to Jeju le a dda karə jandə dɔnɔn tə̂ kə̂ maji uta ye kə̂ kete.

Ebərəje 8:13

Bbo Lubba pa tar dɔnɔn kə̂ siki a, yeenn pa nan n̂-dda narə ye kə̂ dɔngɔr le ddee to konn nɛ̂n ngaa. A nɛ̂n kə̂ to konn nɛ̂n ngaâ bbuka nya to nɛ̂n kə̂ a nday mbɔr ang.

Ebərəje 8:6

A bbasinɛn kula kə̂ uta ənga kəsə njê-poloje Lubba â darə Jeju, mba n̂-to nje-gɔl-tar dɔnɔn kə̂ maji uta ye kə̂ kete. Mə dɔnɔn tə̂ kə̂ siki le, Lubba unn ndue ta karə dəwje laa nɛ̂nje kə̂ maji nya uta yeje kə̂ mə dɔnɔn tə̂ kə̂ ləw le.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.