Ebərəje 8:5 - Dɔnɔn kə̂ Siki: Tar kə̂ aw arə təbbə

⁵ A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

Ebərəje 8:5 Iomraidhean Croise

Matiye 2:12

Goe tə̂ a, Lubba ndɔru mbide mə nin tə̂ karə n̂-təlje rɔ Erodə tə̂ ang, ta dunnje ddəw kə̂ dang n̂-təlje nɛ̂n bbe ləde.

Kulaje 7:44

«Mə kɔr tə̂ nu le, kajejedede eeje kə kəy-tande kinga-naan kə̂ makəturu dɔnɔn to tə̂. Mɔyijə dda kəy-tande le arə to ddəw kâra baa kə ye kə̂ Lubba unn ndu arɛ̂ karə n̂-dda le. N̂-dda narə to ddəw kâra baa kə ye kə̂ noo le.

Kolosinyɛje 2:17

Nɛ̂njeenn tɔyn toje to ndil nɛ̂n kə̂ a ddee ndɔ tə̂ kə̂ bara. A nɛ̂n kə̂ tɔkɔrɔ to da-rɔ Kristə.

Ebərəje 10:1

Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 13:10

Jeje, bann ləje to bann kə̂ njê-poloje Lubba kə̂ aw ddaje kula mə kəy-tande kinga-naan tə̂ asəje ta kusa nɛ̂n-polo kə̂ to dɔɛ tə̂ ang.

Ebərəje 9:9

Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.

Apokalisi 15:5

Goe tə̂ a, moo kəy-polo Lubba mə dara tə̂, tɛɛ̂ tokə təəyn. Kəy-tande kinga-naan lə Lubba kə dəwje laa to məɛ tə̂.