Ebərəje 8:4 - Dɔnɔn kə̂ Siki: Tar kə̂ aw arə təbbə

⁴ Bbo Kristə nayn dɔ nangə tə̂ nəənn njaa kara, nâ to nje-polo Lubba ang. Mba marə njê-poloje Lubba toje mban. Daw dunnje nɛ̂n-karə-baaje darəje Lubba tokə ndu lə Mɔyijə pa le.

Ebərəje 8:4 Iomraidhean Croise

Ebərəje 10:11

Njê-poloje Lubba kâra kâra tɔyn aw arje taar lo kula tə̂ ləde kə ndɔ tɔyn mba dda kula ləde. Nɛ̂n-poloje kə̂ kâra baa â daw darə. A to nɛ̂n-poloje kə̂ a kasə ta kɔru majangje ndɔ kâra ang.

Ebərəje 11:4

Ddəw mə-kunn tə̂ â Abɛl unn nɛ̂n nɛ̂n-polo kə̂ maji uta lə Kayn arə Lubba. Mba mə-kunn laa le â Lubba ooe nɛ̂n to dəw kə̂ gatə gatə ngaâ ndiki tə̂ kə nɛ̂n-polo laa le. Abɛl oy mban njaa, a ddəw mə-kunn tə̂ laa, n̂-nayn naw pa tar baa bbay.

Ebərəje 5:1

Tɔkə njê-poloje Lubba kâra kâra tɔyn, n̂-mbərəde horo dəwje tə̂ karə n̂-ddaje kula lə Lubba mba dəwje le. Kula ləde to ənga kunn nɛ̂n-karə-baaje kə nɛ̂n-poloje kə̂ dəwje ddeeje nɛ̂n karə Lubba mba majangje.

Ebərəje 7:27

Kəsə tɔkə njê-poloje Lubba aw arəje nɛ̂n-polo Lubba kə ndɔ kâra kâra tɔyn, dɔngɔrɛ̂ darəje mba majang ləde dede njaa ngaa bba goe tə̂ a darəje mba majang lə kəsə dəwje. A Jeju to tokə baann ang. Narə nɛ̂n-polo gɔl kâra baa, to da-rɔɛ̂ njaa kə̂ nunn narə to nɛ̂n-polo.

Ebərəje 8:3

Tɔkə njê-poloje Lubba tɔyn dundade karə dunnje nɛ̂n-karə-baa ddəm nɛ̂n-polo ddəm darəje Lubba. Mba yeenn bba, to tar lə Jeju ta kinga marə nɛ̂n mba karə Lubba tɔ.

Ebərəje 9:9

Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.