Ebərəje 8:3 - Dɔnɔn kə̂ Siki: Tar kə̂ aw arə təbbə

³ Tɔkə njê-poloje Lubba tɔyn dundade karə dunnje nɛ̂n-karə-baa ddəm nɛ̂n-polo ddəm darəje Lubba. Mba yeenn bba, to tar lə Jeju ta kinga marə nɛ̂n mba karə Lubba tɔ.

Ebərəje 8:3 Iomraidhean Croise

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Rɔmɛnje 4:25

Jeju le, dilɛ̂ ji dəwje tə̂ darə n̂-tɔlɛ̂je mba majang ləje ngaâ Lubba arə n̂-ndol bba karə Lubba oo nɛ̂n je to dəwje kə̂ gatə gatə.

Rɔmɛnje 5:6

Tɔkɔrɔ, ləw kə̂ ddəw goto bbay le, kar kə̂ Lubba ɔju asə a, Kristə oy mba njê-nɛ̂n-ddaje kə̂ maji ang.

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 5:1

Tɔkə njê-poloje Lubba kâra kâra tɔyn, n̂-mbərəde horo dəwje tə̂ karə n̂-ddaje kula lə Lubba mba dəwje le. Kula ləde to ənga kunn nɛ̂n-karə-baaje kə nɛ̂n-poloje kə̂ dəwje ddeeje nɛ̂n karə Lubba mba majangje.

Ebərəje 7:27

Kəsə tɔkə njê-poloje Lubba aw arəje nɛ̂n-polo Lubba kə ndɔ kâra kâra tɔyn, dɔngɔrɛ̂ darəje mba majang ləde dede njaa ngaa bba goe tə̂ a darəje mba majang lə kəsə dəwje. A Jeju to tokə baann ang. Narə nɛ̂n-polo gɔl kâra baa, to da-rɔɛ̂ njaa kə̂ nunn narə to nɛ̂n-polo.

Ebərəje 8:4

Bbo Kristə nayn dɔ nangə tə̂ nəənn njaa kara, nâ to nje-polo Lubba ang. Mba marə njê-poloje Lubba toje mban. Daw dunnje nɛ̂n-karə-baaje darəje Lubba tokə ndu lə Mɔyijə pa le.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.