Ebərəje 8:10 - Dɔnɔn kə̂ Siki: Tar kə̂ aw arə təbbə

¹⁰ Əman Əbbə-dəwje m-təl pa nan: Dɔnɔn kə̂ mâ kɔsu kə ngann Ijarayɛlje go ndɔje tə̂ənn â nəənn: Mâ karə nduje ləm to kəjə tə̂ ləde, mâ kuja nduje le tokə makəturu dɔ bbəngərəde tə̂, mâ to Lubba ləde ngaâ dâ toje to dəwje ləm.

Ebərəje 8:10 Iomraidhean Croise

Matiye 22:32

‹M-to Lubba lə Abaraham, Lubba lə Ijakə, Lubba lə Jakobbo.› N̂-to Lubba lə dəwje kə̂ isije kəm baa, bbo Lubba lə dəwje kə̂ oyje ang.»

Rɔmɛnje 11:27

Yeenn to dɔnɔn kə̂ mâ kɔsu kə de, kar tə̂ kə̂ mâ kɔru tar majang ləde dɔde tə̂ le.

1 Kɔrɛntinyɛje 6:16

Ə-gərəje to dəw kə̂ mbɔn naan kə dɛnɛ̂n nje-kaya, da-rɔde joo kəm ddee kâra baa ang wa? Mba Makəturu lə Lubba pa nan: «Dede joo kəm dâ ddeeje to da-rɔ kə̂ kâra baa ngaa.»

2 Kɔrɛntinyɛje 3:3

Sese njaa ə-toje to makəturu kə̂ Kristə dda ngaâ ula jije jee njê-kulaje tə̂ arə n-ddee nɛ̂n. N̂-dda kə maann nɛ̂n-dda makəturu ang, n̂-dda kə Ndil lə Lubba kə̂ nje-kisi kəm baa. N̂-dda bəkərə-ər tə̂ ang. N̂-dda da-rɔse tə̂, bbəngərəse tə̂.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 11:16

A kə̂ tɔkɔrɔ njaa, daw ndikije ta kinga marə bbe kə̂ maji uta ye kə̂ kete le. To bbe kə̂ darâ. Mba yeenn bba, bbo dəw bbar Lubba to Lubba ləde a, rɔ Lubba wul ang. Tɔkɔrɔ njaa n̂-gɔl marə bbe mba tar ləde.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.