Ebərəje 7:28 - Dɔnɔn kə̂ Siki: Tar kə̂ aw arə təbbə

²⁸ Tɔkə njê-poloje Lubba kə̂ Ndu lə Mɔyijə undade dang le toje to dəwje baa. Dubbaje singa mə marə nɛ̂nje tə̂ ang. A tar kə̂ Lubba pa to yo-kunda go Ndu tə̂ lə Mɔyijə le nunda Ngonnɛ̂ to nje-polo Lubba kə̂ asə tɔyn kə ndɔ kə ndɔ.

Ebərəje 7:28 Iomraidhean Croise

Luku 13:32

Nilade tə̂ nan: «Aw paje arəje mula le ə-paje nan: ‹Maw tubba ndilje kə̂ maji ang, maw maji njê-rɔ-toje bbokənɛn kə bara. Ndɔ mota laa a, kula ləm a tunga.

Tar kə̂ Maji kə̂ Jan dda makəturu tə̂ 19:30

Jeju ay maann-binyə kə̂ masə le ngaâ pa nan: «Nɛ̂n tɔyn tunga ngaa.» Yeenn ngaâ nula dɔɛ̂ kə̂ nangə̂ a, noy.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Ebərəje 2:10

Lubba dda nɛ̂nje tɔyn ngaâ arə nɛ̂nje le naynje kə lo-tode mbɛɛ̂. Lubba le oo maji karə Jeju ddee to dəw kə̂ asə tɔyn njaa ddəw ndoo tə̂ kə̂ Jeju le oo. Yeenn bba ta dda karə ngannɛ̂ ne Lubba le nya nya ingaje piti laa. Mba Jeju â aw ɔru nɔnde arə dingaje kaji.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Ebərəje 5:5

Kristə kara ɔsu gaji rɔɛ̂ to tɔkə nje-polo Lubba ang. Lubba â bbarɛ̂ ngaâ pa nan: «Ə-to Ngonnəm. Bbokənɛn marə ə-ddee to ngonnəm ngaa.»

Ebərəje 7:21

A ənga Jeju, Lubba unda yo nan: «Əbbə-dəwje pa tar le to yo-kunda mban, nâ təl turu ndue ang ngaa. N̂-pa nan: ‹Ə-to nje-polo Lubba kə̂ to kə ndɔ kə ndɔ.› »

Ebərəje 7:24

A Jeju nayn kəm baa kə ndɔ kə ndɔ, marə dəw a kunn ture kula-polo Lubba tə̂ ang.

Ebərəje 7:3

Dəw gərə bɔɛ̂je ang ddəm kɔɛ̂nje ang ddəm gəle ang ddəm. Dəw gərə ndɔ kuje ang ddəm ndɔ yo laa ang ddəm. N̂-to tokə Ngonn lə Lubba, mba n̂-nayn to nje-polo Lubba kə ndɔ tɔyn.