Ebərəje 7:26 - Dɔnɔn kə̂ Siki: Tar kə̂ aw arə təbbə

²⁶ Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Ebərəje 7:26 Iomraidhean Croise

Matiye 27:18

Mba Pilatə gərə kə majɛ̂ to mə â dunda kə Jeju bba duwɛ̂je dulɛ̂je jia tə̂.

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Luku 23:22

Pilatə pa arəde kə̂ gɔl mota laa nan: «Majang ddi â n̂-dda wa? Minga marə nɛ̂n kə̂ n̂-dda kə̂ asə yo ang. Mâ karə dundɛ̂, a dinyɛ̂.»

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Luku 24:26

Maji karə Kristə le oo ndoo tokə baann kete bba karə ninga piti ji Lubba tə̂ ang wa?»

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Tar kə̂ Maji kə̂ Jan dda makəturu tə̂ 14:30

Mâ pa tar nya karəse ang ngaa. Mba nje-kɔn dɔ duninya nəənn aw ddee. Nubba singa tɛn dɔm tə̂ ang.

Tar kə̂ Maji kə̂ Jan dda makəturu tə̂ 8:29

Dəw kə̂ ulam ee səm. Ninyam kə karəm baa ang, mba maw dda nɛ̂n kə̂ nəəle kə ndɔ tɔyn.»

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.

Kulaje 4:27

«Tɔkɔrɔ njaa, Erodə de kə Pɔnsə Pilatə n̂-mbɔnje naan mə bbe tə̂ nəənn kə dəwje kə̂ gəlde to dang ddəm dəwje kə̂ Ijarayɛl ddəm mba mbətə nɛ̂n Jeju kə̂ to nje-kula ləi kə̂ undɛ̂ dang to Kristə le.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 2:10

Lubba dda nɛ̂nje tɔyn ngaâ arə nɛ̂nje le naynje kə lo-tode mbɛɛ̂. Lubba le oo maji karə Jeju ddee to dəw kə̂ asə tɔyn njaa ddəw ndoo tə̂ kə̂ Jeju le oo. Yeenn bba ta dda karə ngannɛ̂ ne Lubba le nya nya ingaje piti laa. Mba Jeju â aw ɔru nɔnde arə dingaje kaji.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 7:11

Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

1 Piyɛr 1:19

Məsə Kristə kə̂ ngəng nya â uka nɛ̂n dɔse. Kristə le to tokə ngonn batə kə̂ marə nɛ̂n tuju rɔɛ̂ tə̂ ang ddəm nɛ̂n-yərəw ɔrɛ̂ ang ddəm.

1 Piyɛr 2:22

Kristə dda majang ang, nərə ngəm ndɔ kâra ang.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.

Apokalisi 3:7

Ə-dda makəturu ula nɛ̂n arə anjə kə̂ Egilisi tə̂ kə̂ Piladɛlpi ə-pa nan: Tar lə Dəw kə̂ maji tɔyn, ne kə̂ n̂-to Tɔkɔrɔ, ne kə̂ ngaw kele lə Dabbiti to jia tə̂, ne kə̂ n̂-təəyn ta-ddəw a, dəw kâra asə ta kutu ang, ne kə̂ nutu ta-ddəw a, dəw kâra asə ta təəyn ang.