Ebərəje 7:25 - Dɔnɔn kə̂ Siki: Tar kə̂ aw arə təbbə

²⁵ Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Ebərəje 7:25 Iomraidhean Croise

Tar kə̂ Maji kə̂ Jan dda makəturu tə̂ 14:13

Nɛ̂n tɔyn kə̂ ə-dujuje kə rim a, mâ dda. Baann bba Bɔ a kinga piti ddəw tə̂ lə Ngonn.

Tar kə̂ Maji kə̂ Jan dda makəturu tə̂ 14:16

Ngaâ, əman mâ duju Bɔ karə arəse marə Nje-kumanse kə̂ a nayn kə se kə ndɔ tɔyn.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

Epɛjinyɛje 2:18

Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Epɛjinyɛje 3:20

Lubba aw dda kə je ddəw singa-mɔngu tə̂ laa kə̂ aw dda kula rɔje tə̂. Nasə dda karə jingaje nɛ̂nje uta yeje kə̂ n-dujeje wase yeje kə̂ jaw jəjəje.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

1 Timɔte 2:5

Mba Lubba kâra baa, nje-gɔl-tar horo Lubba tə̂ kə dəwje kâra baa tɔ. N̂-to dəw, Jeju-Kristə,

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 13:15

Ddəw tə̂ lə Jeju, maji karə n-walje Lubba tokə nɛ̂n-polo kə̂ jaw jarɛ̂je ddəw paje tə̂ kə ddəw tarje tə̂ kə̂ taje tə̂ kə̂ tɔjuje to Lubba to Əbbə-dəwje.

Ebərəje 2:18

Bbasinɛn nasə ta kuman njê kə̂ nɛ̂n aw nande, mba ne njaa kara nɛ̂n nɛɛ̂n ddəm noo ndoo ddəm.

Ebərəje 2:9

A nɛ̂n kə̂ joo â nəənn: Jeju le Lubba dda arə n̂-ddee to dəw kə̂ ta-gɔl anjəje tə̂ mba gɔju kar bba karə ddəw mə-maji tə̂ lə Lubba noy mba dəwje tɔyn. Yeenn ngaâ bbasinɛn ninga piti kə kɔsu gaji mba koy kə̂ noy le.

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

Ebərəje 7:24

A Jeju nayn kəm baa kə ndɔ kə ndɔ, marə dəw a kunn ture kula-polo Lubba tə̂ ang.

Ebərəje 7:8

Njê kə̂ gəl Lebi tə̂ kə̂ aw taaje dim toje to dəwje kə̂ a koyje marə ndɔ. Mɛlkisedɛk kara taa dim tɔ, a ne, n̂-nayn kəm baa ndərəng bbokənɛn tokə daw pa.

Ebərəje 9:24

Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!