Ebərəje 7:19 - Dɔnɔn kə̂ Siki: Tar kə̂ aw arə təbbə

¹⁹ Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.

Ebərəje 7:19 Iomraidhean Croise

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Kulaje 13:39

Ddəw tə̂ lə Jeju bba dəw kə̂ unn məɛ̂ a, tar majang ɔru dɔɛ̂ tə̂.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 7:7

Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 3:21

Yeenn pa nan, Ndu lə Mɔyijə mbətə ndu-kunnje lə Lubba le wa? Baann ang. Mba bbo marə Ndu aw dda arə dəw aw isi kəm baa a, Ndu a dda karə dəw ddee gatə gatə kəm Lubba tə̂ tɔ.

Galatəje 3:24

Yeenn a, Ndu to nje-kaa dɔje ndərəng ndɔ ddee tə̂ lə Kristə, bba karə mə-kunn le dda arə n-ddeeje gatə gatə kəm Lubba tə̂.

Epɛjinyɛje 3:12

Ddəw məje tə̂ kə̂ junnje jarəje Jeju-Kristə ngaâ n-ddaje mə-kâra saa le jingaje ddəw ta ddee ngɔsi kə Lubba kə bbəəl ang.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

Ebərəje 10:1

Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 11:40

Mba Lubba gɔl marə nɛ̂n kə̂ maji nya uta bbay mbaje. Mba yeenn bba, n̂-ndiki karə jeje kə de tɔyn jinga nɛ̂njeenn le naan tə̂.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

Ebərəje 7:11

Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 7:20

Dɔɛ tə̂ bbay, nɛ̂ɛnn le to ddəw yo-kunda tə̂ lə Lubba. Kəsə dəwje ddeeje to njê-poloje Lubba ddəw yo-kunda tə̂ ang.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Ebərəje 8:6

A bbasinɛn kula kə̂ uta ənga kəsə njê-poloje Lubba â darə Jeju, mba n̂-to nje-gɔl-tar dɔnɔn kə̂ maji uta ye kə̂ kete. Mə dɔnɔn tə̂ kə̂ siki le, Lubba unn ndue ta karə dəwje laa nɛ̂nje kə̂ maji nya uta yeje kə̂ mə dɔnɔn tə̂ kə̂ ləw le.

Ebərəje 9:9

Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.

Jakə 4:8

Ə-ddeeje ngɔsi kə Lubba a, nâ ddee ngɔsi kə se tɔ. Ə-tokoje jise, see njê-nɛ̂n-ddaje kə̂ maji ang, arəje məse nda kayn, see dəwje kə̂ kəjə ləse to lo kâra ang.