Ebərəje 6:2 - Dɔnɔn kə̂ Siki: Tar kə̂ aw arə təbbə

² tar batɛmje, tar kila ji dɔ dəwje tə̂, tar ndol lə dəwje kə̂ oyje kə tar sariya kə̂ to kə ndɔ kə ndɔ le.

Ebərəje 6:2 Iomraidhean Croise

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Matiye 3:14

A Jan a ta mbətə ngaâ pa arə Jeju le nan: «Əman â, â ddam batɛm. A əi â ə-ddee karə m-ddai batɛm tokə baânn wa?»

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Marke 7:4

Bbo dinje natâ n̂-təlje kə̂y a, n̂-tokoje rɔde mba kɔru nɛ̂n nɛ̂n-yərəw rɔde tə̂ kə ddang bba dusaje nɛ̂n. Daw ngəmje marə nɛ̂n-ji-bbeje lə kadedeje nya tokə lə: Gusu toko əngoje, joje kə kaje.

Marke 7:8

Jeju pa bbay nan: «Inyaje Nduje lə Lubba a, nduje kə̂ inje ta dəwje tə̂ â aw bbəəlje.»

Luku 11:38

Parijinyɛ le oo a, Jeju toko jia kete bba usa nɛ̂n nɛ̂n ang. Nɛ̂ɛnn le dum dɔɛ̂.

Luku 12:50

Marə batɛm kə̂ dâ ddam to. Məm a kar taar ndərəng ndɔ kə̂ dâ ddam nɛ̂n batɛm le a kasə.

Luku 14:14

Yeenn bba a kisi kə rɔ-nəəl, mba dingaje nɛ̂n ta kari ture tə̂ ang. A Lubba a təl nɛ̂n kari ndɔ tə̂ kə̂ dəwje kə̂ gatə gatə kə̂ oyje a ndolje.»

Luku 3:16

Nilade tə̂ tɔyn nan: «Əman, m-ddase batɛm maann. A marə dəw kə̂ utam, kə̂ mâ kasə tutu kula nɛ̂n-gɔl laa ang aw ddee. Ne â nâ ddase batɛm Ndil-mə-nda kə batɛm puru.

Tar kə̂ Maji kə̂ Jan dda makəturu tə̂ 1:33

Əman, m-gəre ang. A Lubba kə̂ ulam karə m-dda dəwje batɛm maann â pa arəm nan: A koo dəw kə̂ Ndil a ddee kisi dɔɛ̂ tə̂. Ne â nâ dda dəwje batɛm Ndil-mə-nda.

Tar kə̂ Maji kə̂ Jan dda makəturu tə̂ 5:29

inje mə buwa-yo tə̂ teeje. Njê kə̂ ddaje maji a kinje ta kisije kə təbbə. A njê kə̂ ddaje maji ang a kinje karə n̂-gangə sariya dɔde tə̂.»

Kulaje 10:47

«Dəwje le ingaje Ndil-mə-nda tokə jeje tɔ, a marə dəw a kasə kɔku ddəw karə dingaje batɛm maann wa?»

Kulaje 13:3

Yeenn bba, dɔkuje rɔde nɛ̂n-kusa ngaâ n̂-dujuje Lubba ngaâ goe tə̂, dilaje jide dɔde tə̂ ngaâ dinyade darə dɔtuje.

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 16:33

Til tə̂ənn njaa, nje-ngəm ta kəy-kula le aw kə de aw toko kəm doje ləde. Ngaji goe tə̂ a, n̂-ddɛɛ̂je batɛm kə njê kə̂ kəy laa.

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 2:41

Dəwje kə̂ ndikije tar tə̂ laa le ingaje batɛm. Ndɔɛ̂ tə̂ənn kɔr dəwje asə nɛ̂n kə̂ doro mota ddeeje unguje dɔ kɔr njê-mə-kunnje tə̂ kə̂ kete.

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 24:15

Munda məm dɔ Lubba tə̂ to dəwje kə̂ gatə gatə ddəm njê kə̂ gatə gatə ang ddəm kə̂ oyje a ndolje. Dede kara dunda məde tokə baann tɔ.

Kulaje 24:21

Kar tə̂ənn le mar horo njê-gangəje sariya tə̂ muru əkii m-pa nan: ‹Daw ta gangə sariya dɔm tə̂ mba tar lə dəwje kə̂ oyje kə̂ munda məm to dâ ndolje le.› Mba tar kə̂ kâra baa nəənn le njaa n̂-ddeeje nɛ̂n səm sariya tə̂ nɔnse tə̂ bbokənɛn nəənn.»

Kulaje 24:25

Kar tə̂ kə̂ Pɔl aw pa tar kula-dda kə̂ to gatə gatə, tar tɔ-bbo kə̂ da-rɔ tə̂ kə tar sariya kə̂ aw ddee a, Peliksə le bbəəl ngaâ pa nan: «Asə baann, ɔtu ngaa. Marə ndɔ bba mâ bbari.»

Kulaje 26:8

See Jiipije, ooje to Lubba asə ta ndol dəwje kə̂ oy ang mba ddi wa?

Kulaje 4:2

Wungu ɔnde dɔ Piyɛr de kə Jan tə̂ le, mba daw tɔjuje nɛ̂n dəwje ddəm daw paje darəde ddəm nan Jeju oy a ndol arə dəwje kə̂ oyje a ndolje tɔ.

Kulaje 6:6

N̂-ddeeje kə dəwje kə̂ siri le nɔn njê-kaw-kulaje tə̂ le darə n̂-duju Lubba dɔde tə̂ ddəm dila jide dɔde tə̂ ddəm.

Rɔmɛnje 2:16

Nɛ̂ɛnn a tee kə ddaka kəm dəwje tə̂ dɔ ndɔ tə̂ kə̂ Lubba a karə Jeju-Kristə gangə sariya dɔ nɛ̂nje tə̂ kə̂ dəwje aw ddaje lo-kiyɛ̂ tə̂ tokə Tar kə̂ Maji kə̂ maw mila mbəre pa.

1 Kɔrɛntinyɛje 10:2

Kajejedede le tɔyn ingaje batɛm mə mum tə̂ ddəm mə ba-katə tə̂ ddəm ddəw mə-kâra tə̂ kə̂ n̂-ddaje kə Mɔyijə.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

2 Kɔrɛntinyɛje 5:10

Mba, a to tar ləje tɔyn ta kar nɔn sariya tə̂ lə Kristə, karə dəw kâra kâra inga kuka laa mba kula-dda kə̂ maji wase kə̂ maji ang kə̂ n̂-dda kə da-rɔɛ̂ le, kar tə̂ kə̂ n̂-nayn nɛ̂n dɔ nangə tə̂.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

2 Timɔte 2:18

Dinyaje tar kə̂ tɔkɔrɔ. N̂-paje nan dəwje kə̂ oyje ndolje mban ngaâ n̂-turuje mə-kunn lə marə dəwje ddəw tar tə̂ nəənn le.

Ebərəje 11:35

Ddəw mə-kunn tə̂ â marə dɛnɛ̂nje təl ingaje dəwje ləde kə̂ oyje, mba dəwje ləde le ndolje. A marə dəwje, dula kəmde ndoo tə̂ ndərəng ngɔsi kə yo, a n̂-ndikije karə dəwje le inyajede ang, bba karə ndɔ kə̂ doyje ngaâ n̂-ndolje a, disije maji uta ye kə̂ kete.

Ebərəje 9:10

Nɛ̂njeenn toje to nɛ̂nje kə̂ dəwje â aw ddaje rɔde tə̂ ddaka baa ɔju dɔ nɛ̂n-kusaje kə toko nɛ̂n-yərəwje. Nɛ̂njeenn le toje to nduje kə̂ naynje kə singade ndərəng kar tə̂ kə̂ Lubba turu nɛ̂n nɛ̂nje tɔyn arə ddeeje tokə siki.

2 Piyɛr 3:7

A ddəw tar kə̂ tɛɛ̂ tə̂ ne Lubba le njaa naw ngəm nɛ̂n dara kə nangə kə̂ bbokənɛn nəənn ta nginan nɛ̂n ndɔ kə̂ puru a kɔnde. Dara kə nangə le a nginanje ndɔ kə̂ nâ gangə nɛ̂n sariya dɔ njê-nɛ̂n-ddaje tə̂ kə̂ maji ang kə ndɔ kə̂ nâ tuju nɛ̂n de nyɔm.