Ebərəje 6:19 - Dɔnɔn kə̂ Siki: Tar kə̂ aw arə təbbə

¹⁹ Əngaje jeje, nɛ̂n kə̂ jaw junda məje dɔɛ tə̂ le to tokə andə-narɛ kə̂ ɔɔy kə̂ n̂-tɔ tɔkə to tə̂ darə uwa ar nɛ̂n lo kâra. Nɛ̂n le nday kubbu kə̂ n̂-gangə nɛ̂n mə kəy-polo Lubba kə̂ mə dara tə̂ ngaâ aw tee lo tə̂ kə̂ n̂-sangə nya bbay mba Lubba.

Ebərəje 6:19 Iomraidhean Croise

Matiye 27:51

Karɛ̂ tə̂ənn njaa, kubbu kə̂ n̂-tɔ n̂-gangə nɛ̂n mə kəy-polo Lubba tiir dannâ joo, in taar uru bəər. Nangə yəkə ngaâ ərje ribbaje.

Kulaje 23:6

Pɔl gərə to dəwje kə̂ aw uwaje dɔ naan mba gangə sariya le marɛ̂je toje to Sadusinyɛje, a marɛ̂ toje to Parijinyɛje. Yeenn bba n̂-pa tar kə taar horo njê-gangəje sariya tə̂ le nan: «Ngakɔnʼmje, m-to Parijinyɛ, m-to ngonn lə marə Parijinyɛ. Gəl nɛ̂n kə̂ daw ta gangə nɛ̂n sariya dɔm tə̂ nəənn, to məm kə̂ munda to dəwje kə̂ oyje a ndolje.»

Kulaje 27:29

N̂-bbəəlje karə tɔkə to le in unda ər. Yeenn bba, dunguje andə-narɛje kə̂ ɔɔy sɔ maânn kutu tɔkə to tə̂ le karə nja ang ngaâ n̂-ndingaje karə lo arɛ kə tɔkɛ̂.

Kulaje 27:40

Mba yeenn bba, n̂-tutuje kula kə̂ n̂-tɔ nɛ̂n andə-narɛje kə̂ ɔɔy le darə oso mə maann tə̂. Kar tə̂ənn njaa tɔ â n̂-tutuje kula nɛ̂nje kə̂ aw tɔjuje ddəw tɔkə to le. Goe tə̂ a, n̂-tɔje tɔkə bəl-kubbu nɔn tɔkə to tə̂ le karə ta ləl uta nɛ̂n tɔkə to le ngaâ dunnje ddəw ər kə dɔ ənangara tə̂ le.

Rɔmɛnje 4:16

Yeenn a, Lubba a karə dəwje nɛ̂nje kə̂ nunn ndue ta karə le ddəw mə-kunn tə̂. Baann bba nɛ̂n le a to nɛ̂n kə̂ dinga baa ddəw mə-maji tə̂ laa. N̂-ndiki ta karə nɛ̂n le ngaka Abaraham tɔyn. Nɛ̂n le to mba dəwje kə̂ eeje kɔ Ndu tə̂ kə karəde baa ang. To mba dəwje tɔyn kə̂ ooje məde tə̂ saa tokə Abaraham kə̂ oo məɛ̂ tə̂ le. Abaraham to bɔjeje tɔyn,

Rɔmɛnje 4:18

Abaraham le unda məɛ̂ dɔ Lubba tə̂ nyɔm. Noo məɛ̂ tə̂ ngaâ n̂-ddee to bɔ gəl-dəwje kə̂ banya nya tokə Lubba pa arɛ̂ nan: «Ngakai a banya tokə baann» le.

Rɔmɛnje 5:4

Tɔ-wur ləje le aw dda arə jaw juwaje jarə ngəng mə nɛ̂n-nan tə̂. Ngaâ kuwa kə̂ jaw juwaje jarə ngəng le dda arə jaw jundaje məje dɔ Lubba tə̂.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Epɛjinyɛje 2:6

Ddəw mə-kâra tə̂ kə̂ n-ddaje kə Jeju-Kristə, Lubba ndolje naan tə̂ saa ngaâ arə jisije darâ naan tə̂ kâra baa kə Kristə le.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 3:1

Ə-ndolje kâra baa kə Kristə kə̂ oy ngaâ ndol le mban. Yeenn a, maji karə kəmse to kə dɔ nɛ̂n tə̂ kə̂ darâ, lo tə̂ kə̂ Kristə isi tə̂, dɔ ji-kɔl Lubba tə̂.

2 Timɔte 2:19

A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

Ebərəje 9:3

Giri kubbu tə̂ kə̂ to joo laa kə̂ n̂-gangə nɛ̂n mə kəy le, to lo kə̂ daw bbar nan «Lo kə̂ n̂-sangə dang nya bbay mba Lubba.»

Ebərəje 9:7

A mə kəy tə̂ kə̂ to joo laa le, tɔkə nje-polo Lubba kə karɛ̂ baa â aw andə tə̂ gɔl kâra baa njaa mə bbal tə̂ kâra. Naw nandə mə kəy tə̂ le kə məsə ta karə Lubba to nɛ̂n-polo mba majang laa ne njaa ddəm mba majang lə dəwje ddəm.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə