Ebərəje 6:12 - Dɔnɔn kə̂ Siki: Tar kə̂ aw arə təbbə

¹² Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

Ebərəje 6:12 Iomraidhean Croise

Matiye 22:32

‹M-to Lubba lə Abaraham, Lubba lə Ijakə, Lubba lə Jakobbo.› N̂-to Lubba lə dəwje kə̂ isije kəm baa, bbo Lubba lə dəwje kə̂ oyje ang.»

Matiye 25:26

Əbbeeje le ilɛ̂ tə̂ nan: ‹Nje-kula kə̂ maji ang, nje-dabbə. Ə-gərə to lo kə̂ m-dubbu nɛ̂n tə̂ ang kara maw muja nɛ̂n tə̂. Lo kə̂ m-tila kandə-ko tə̂ ang kara, maw muja kandə-ko tə̂.

Luku 16:22

Marə ndɔ nje-ndoo le oy ngaâ anjəje unnɛ̂je awje saa mbɔr Abaraham tə̂. Nje-nɛ̂n-kinga le oy tɔ ngaâ n̂-dubbe.

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Rɔmɛnje 12:11

Maji karə bbo kula lə Əbbə-dəwje ddase nya, bbo ə-dabbəje ang, undaje kəjə ləse kula tə̂ le kə mə-kâra.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 4:12

N̂-ddee to bɔ dəwje kə̂ ujaje ganja tɔ, yeenn pa nan dede kə̂ daaje lo kə ganja tə̂ ləde kâra baa ang, a daw ndajije mə-kunn lə bɔjeje Abaraham le kə̂ unn məɛ̂ kete bba uja ganja le.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

2 Tesalonisinyɛje 1:4

Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 11:33

Ddəw mə-kunn tə̂ â n̂-tətəje tɔkə bbe-kɔnje kə ddɔ. N̂-ddaje nɛ̂n kə̂ gatə gatə ngaâ dingaje nɛ̂n kə̂ Lubba unn ndue ta karəde, n̂-tɔje ta ənamje.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Ebərəje 5:11

Tarje toje nya ta pa dɔ tar tə̂ nəənn, a to ngəng nya ta kɔru gəle. Mba ə-ddeeje to dəwje kə̂ gərə nɛ̂n ləde ɔn nya.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

Jakə 1:3

Mba ə-gərəje to nɛ̂nje kə̂ aw nanje mə-kunn ləse a dda karə ə-gərəje ddəw kore wurse.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.