Ebərəje 6:11 - Dɔnɔn kə̂ Siki: Tar kə̂ aw arə təbbə

¹¹ A nɛ̂n kə̂ n-ndiki to karə bbo kula nəənn le nayn məse tə̂, sese kâra kâra tɔyn ndərəng ɔsu kɔnyɛ̂. Yeenn bba â kingaje nɛ̂nje tɔyn kə̂ aw undaje məse dɔɛ tə̂.

Ebərəje 6:11 Iomraidhean Croise

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Luku 1:1

Dəw kə̂ bo Topil, marə nɛ̂nje njaje horoje tə̂ ngaâ marə dəwje kə̂ ooje nɛ̂nje le kə kəmde, kunn-kute tə̂ njaa paje arəjeje. Dede kə̂ dooje nɛ̂nje le kə kəmde le n̂-təlje n̂-ddeeje to njê-paje tar lə Lubba. Yeenn bba dəwje nya unnje kutu dda makəturu mba kɔru nɛ̂n gəl nɛ̂nje kə̂ ndayje horoje tə̂ ləw.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

Pilipinyɛje 3:15

Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:5

Mba aw undaje məse dɔ nɛ̂nje tə̂ kə̂ maji kə̂ Lubba ngəm mba tar ləse mə dara tə̂. Ndɔ kə̂ dila nɛ̂n mbər Tar kə̂ Maji kə̂ to tar kə̂ tɔkɔrɔ darəse njaa ooje nɛ̂n tar nɛ̂n kə̂ Lubba gɔl mba tar ləse mə dara tə̂ le.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.

2 Tesalonisinyɛje 3:13

A see ngakɔnje, maji karə ə-ddaje maji kə dəwje bbo arəje rɔse nyase ddəwe tə̂ ang.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

1 Jan 3:14

Jeje n-ndikije ngakɔnje, mba yeenn â n-gərəje to n-teeje ta yo tə̂ ngaâ jingaje təbbə mban. Dəw kə̂ ndiki ngokɔɛ̂n ang nayn mə yo tə̂ bbay.

1 Jan 3:19

Ddəw tə̂ kə̂ baânn bba ja gərəje to n-toje to ənga tar kə̂ tɔkɔrɔ ngaâ kəjə ləje a to ddekeke nɔn Lubba tə̂.

Apokalisi 2:26

Dəw kə̂ tətə ddɔ ngaâ dda kulaje ləm ndərəng ɔsu kɔnyɛ̂ a, mâ karə nɔn dɔ gəl-dəwje.