Ebərəje 6:1 - Dɔnɔn kə̂ Siki: Tar kə̂ aw arə təbbə

¹ Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,

Ebərəje 6:1 Iomraidhean Croise

Matiye 21:29

Ngonnɛ̂ le ilɛ̂ tə̂ nan: ‹M-ndiki ang.› Goe tə̂ a, tar kə̂ nila bɔɛ̂je tə̂ le təl nəəle ang ngaâ nɔtu naw ndɔɔ le.

Matiye 21:32

Mba, ləw Jan ddee rɔse tə̂, tɔjuse ddəw dda nɛ̂n kə̂ gatə gatə, a ooje məse tə̂ kə tar laa ang. A njê-taaje narɛ lambo kə dɛnɛ̂n njê-kayaje â ooje məde tə̂ kə tar laa le. A sese, ooje nɛ̂njeenn kə majɛ̂, a kəjə ləse jɔkuse ang ddəm ooje məse tə̂ kə tar laa le ang ddəm.»

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Matiye 7:25

Ndi ərə, maann siri taa lo tɔyn ngaâ ləl ula yəkə kəy le, a kəy le oso ang mba dungu gɔl kəy le dɔ ər tə̂.

Marke 1:1

Kunn-kutu Tar kə̂ Maji kə̂ dɔ Jeju-Kristə Ngonn lə Lubba tə̂ â nəənn.

Marke 6:12

Njê-njaje go Jeju tə̂ le awje ngaâ ilaje mbər karə dəwje turuje məde.

Luku 6:48

N̂-to kâra baa kə dəw kə̂ a ta kɔsu kəy a, uru buwa arə uru bba ungu gɔl kəy le dɔ ər tə̂. Bbo maann taa lo ngaâ unda kar kəy le a, kəy le oso ang, mba nɔsu kəy le kə majɛ̂.

Tar kə̂ Maji kə̂ Jan dda makəturu tə̂ 12:44

Jeju pa kə taar nan: «Dəw kə̂ unn məɛ̂ arəm a, to əman kə karəm â nunn məɛ̂ narəm ang. Dəw kə̂ ulam â nunn məɛ̂ narɛ̂ tɔ,

Tar kə̂ Maji kə̂ Jan dda makəturu tə̂ 14:1

Jeju pa arə njê-njaje goe tə̂ nan: «Əjəje tar ang. Ooje məse tə̂ kə Lubba, ooje məse tə̂ səm tɔ.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

1 Kɔrɛntinyɛje 13:10

A bbo nɛ̂n kə̂ to kə majɛ̂ tɔyn ddee a, nɛ̂nje kə̂ toje to ta-gɛɛ̂n baa a gotoje.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

2 Kɔrɛntinyɛje 7:10

Mba rɔ-katə kə̂ to ddəw mə-ndiki tə̂ lə Lubba aw dda arə dəw aw turu məɛ̂ ngaâ inga kaji. Yeenn jɔku dəw le ang. A rɔ-katə kə̂ in dɔ nangə tə̂ nəənn aw dda arə dəw aw inga yo.

Epɛjinyɛje 2:1

Ləw, kəm Lubba tə̂, ə-toje tokə lə dəwje kə̂ oy mba nɛ̂n-ddaje ləse kə̂ to kə dɔgɔlɛ̂ ang ddəm nɛ̂n-ddaje kə̂ maji ang ddəm.

Epɛjinyɛje 2:5

Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 3:14

A uta tɔyn, maji karə ndiki to rɔse tə̂ tokə lə kubbu. To nɛ̂n kə̂ a tɔse naan tə̂ kuta nɛ̂n tɔyn.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 6:19

Baann bba dâ gɔlje nɛ̂n dam ləde kə̂ kura kə̂ gɔlɛ̂ kətərə, mba ndɔ kə̂ bara. Yeenn tɔ bba dâ kingaje təbbə kə̂ tɔkɔrɔ.

2 Timɔte 2:19

A gɔl kəy kə̂ mɔngu kə̂ Lubba unda nangə̂ le nayn kə singɛ̂. Tar kə̂ n̂-dda gɔl kəy tə̂ le nan: «Əbbə-dəwje gərə njê kə̂ toje to dəwje laa» ngaâ «Maji karə dəw kə̂ bbar ri Əbbə-dəwje mban, mbətə majang.»

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Ebərəje 12:13

Maji karə ilaje ddəw kə̂ to gatə gatə ə-njaje tə̂, baann bba bbo dəw kə̂ to nje-mətə a, gɔlɛ̂ le a tuju njaa nyɔm ang, a n̂-təl n̂-nja kə majɛ̂.

Ebərəje 7:11

Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

Jakə 1:4

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Jan 4:12

Dəw oo Lubba ndɔ kâra ang. Bbo n-ndikije naan horoje tə̂ a, Lubba dda kə je mə-kâra ngaâ ndiki laa to məje tə̂ kə majɛ̂.