Ebərəje 5:9 - Dɔnɔn kə̂ Siki: Tar kə̂ aw arə təbbə

⁹ Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Ebərəje 5:9 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Luku 13:32

Nilade tə̂ nan: «Aw paje arəje mula le ə-paje nan: ‹Maw tubba ndilje kə̂ maji ang, maw maji njê-rɔ-toje bbokənɛn kə bara. Ndɔ mota laa a, kula ləm a tunga.

Tar kə̂ Maji kə̂ Jan dda makəturu tə̂ 19:30

Jeju ay maann-binyə kə̂ masə le ngaâ pa nan: «Nɛ̂n tɔyn tunga ngaa.» Yeenn ngaâ nula dɔɛ̂ kə̂ nangə̂ a, noy.

Kulaje 3:15

Dəw kə̂ nje-karə təbbə kə̂ ə-tɔlɛ̂je le, Lubba ndole arə n-to njê-tar-naji nɛ̂ɛnn le.

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Kulaje 5:32

Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 10:16

A dəwje tɔyn â taaje Tar kə̂ Maji le ang. Ddəw kâra baa tokə Ejayi pa nan: «Əbbəmje, nân bba ndiki tə̂ kə tar kə̂ jila mbəre le wa?»

Rɔmɛnje 15:18

Mba mâ tay pa marə tar dang ang, tar nɛ̂n kə̂ Kristə dda ddəw tə̂ ləm â mâ pa. Ddəw tə̂ ləm, n̂-dda narə dəwje kə̂ toje to Jiipije ang ddaje nɛ̂n kə turu ndu Lubba. N̂-dda nɛ̂ɛnn le ddəw tarje tə̂ ddəm, ddəw kulaje tə̂ ddəm,

Rɔmɛnje 2:8

A njê kə̂ ddaje dɔ-kətərə saa, mbətəje tar kə̂ tɔkɔrɔ ngaâ aw ddaje bbərə lə nɛ̂n kə̂ gatə gatə ang, Lubba a karə wungu laa kə̂ to bbəəl nya oso dɔde tə̂.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

2 Kɔrɛntinyɛje 10:5

Jaw tujuje tarje tɔyn kə̂ dəwje kə̂ ooje rɔde bo nya aw paje mba kɔku nɛ̂n ddəw dəw karə gərə Lubba. Jaw juwa kəjəje lə dəwje tɔyn bbərə tə̂ karə dooje ta Kristə.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

2 Tesalonisinyɛje 1:8

Nâ ddee dann ndɔn-puru tə̂ kə̂ aw ɔn ta kila barə dɔ dəwje tə̂ kə̂ gərəje Lubba ang ngaâ mbətəje ta dda nɛ̂n kə turu ndu Tar kə̂ Maji lə Əbbə-dəwje Jeju.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 11:40

Mba Lubba gɔl marə nɛ̂n kə̂ maji nya uta bbay mbaje. Mba yeenn bba, n̂-ndiki karə jeje kə de tɔyn jinga nɛ̂njeenn le naan tə̂.

Ebərəje 11:8

Ddəw mə-kunn tə̂ â Abaraham oo ta Lubba kə̂ bbarɛ̂ ngaâ ɔtu aw nangə tə̂ kə̂ Lubba a ta karɛ̂ to laa. Naw njaa baann, bbo n̂-gərə lo kə̂ naw naw tə̂ le ang.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 2:10

Lubba dda nɛ̂nje tɔyn ngaâ arə nɛ̂nje le naynje kə lo-tode mbɛɛ̂. Lubba le oo maji karə Jeju ddee to dəw kə̂ asə tɔyn njaa ddəw ndoo tə̂ kə̂ Jeju le oo. Yeenn bba ta dda karə ngannɛ̂ ne Lubba le nya nya ingaje piti laa. Mba Jeju â aw ɔru nɔnde arə dingaje kaji.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 9:12

Kristə andə lo tə̂ kə̂ n̂-sangə dang nya bbay le gɔl kâra baa njaa a bbayɛ̂. Məsə bal-binyaje kə məsə ngann mangəje â naw nɛ̂n to nɛ̂n-polo ang. Məse njaa naw nɛ̂n bba nɔru nɛ̂n je kə ddang mə majang tə̂ ləje nyɔm nyɔm.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.