Ebərəje 5:5 - Dɔnɔn kə̂ Siki: Tar kə̂ aw arə təbbə

⁵ Kristə kara ɔsu gaji rɔɛ̂ to tɔkə nje-polo Lubba ang. Lubba â bbarɛ̂ ngaâ pa nan: «Ə-to Ngonnəm. Bbokənɛn marə ə-ddee to ngonnəm ngaa.»

Ebərəje 5:5 Iomraidhean Croise

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Tar kə̂ Maji kə̂ Jan dda makəturu tə̂ 8:54

Jeju ilade tə̂ nan: «Bbo əman njaa maw piti rɔm a, piti rɔ ləm a to nɛ̂n kâra ang. Bɔmje â aw pitim, ne kə̂ ə-paje nan n̂-to Lubba ləse le.

Kulaje 13:33

Lubba dda arə ddee to nɛ̂n kə̂ tɔkɔrɔ horoje jee ngannde tə̂, ddəw ndol tə̂ kə̂ narə Jeju kə̂ oy ndol, tokə n̂-dda tarɛ̂ makəturu tə̂ lə Sɔm 2 nan: ‹Ə-to ngonnəm, bbokənɛn marə ə-ddee to ngonnəm ngaa.›

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.

Ebərəje 1:5

Ta pa nan: «Ə-to Ngonnəm, bbokənɛn marə ə-ddee to ngonnəm ngaa.» Ndɔ kâra Lubba pa tar baann arə marə anjə ang. Ngaâ ta pa nan: «Əman, mâ to bɔɛ̂je, a ne nâ to Ngonnəm.» Ndɔ kâra n̂-pa tar dɔ marə anjə tə̂ baann ang tɔ.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 5:10

Tɔkɔrɔ njaa, Lubba undɛ̂ to tɔkə nje-polo tokə Mɛlkisedɛk.