Ebərəje 4:12 - Dɔnɔn kə̂ Siki: Tar kə̂ aw arə təbbə

¹² Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.

Ebərəje 4:12 Iomraidhean Croise

Luku 8:11

Gusu-tar nəənn le, gəle tokə be: «Kandə-ko le to tar lə Lubba.

Tar kə̂ Maji kə̂ Jan dda makəturu tə̂ 12:48

Bbo dəw mbətəm ngaâ taa tar ləm ang a, ddutu ndɔ tə̂, nɛ̂n kə̂ a gangə sariya dɔɛ̂ tə̂ to tarje kə̂ m-pa â a gangəje sariya dɔɛ̂ tə̂.

Tar kə̂ Maji kə̂ Jan dda makəturu tə̂ 6:51

M-to mapa kə̂ nayn kəm baa kə̂ in darâ ddee. Dəw kə̂ usa mapa nəənn le a kisi kə təbbə kə̂ to kə ndɔ kə ndɔ. Mapa kə̂ mâ karɛ̂ to da-rɔm kə̂ a karə təbbə dəwje kə̂ dɔ nangə tə̂.»

Kulaje 2:37

Dəwje le ooje tar le a, gangə singade. N̂-dujuje Piyɛr kə kəsə njê-kaw-kulaje le nan: «Ngakɔnjeje, ddi â maji karə n-dda wa?»

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Kulaje 5:33

Njê kə̂ lo gangə sariya tə̂ lə Jiipije le ooje tar kə̂ njê-kaw-kulaje paje le a, wungu ɔnde ngaâ n̂-ndikije karə dəwje tɔljede kə ddang.

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

1 Kɔrɛntinyɛje 1:24

A dede kə̂ n̂-toje to Jiipije wase Gɛrɛkəje kə̂ Lubba bbarde kə ddaka, dooje Kristə to singa-mɔngu lə Lubba ddəm kəm-karɛ lə Lubba ddəm.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

Epɛjinyɛje 5:13

A nɛ̂n tɔyn kə̂ n̂-tee nɛ̂n kə ddaka, to nɛ̂n kə̂ ddee lo-karɛ tə̂.

Epɛjinyɛje 5:26

N̂-dda baann karə Egilisi ddee to nɛ̂n kə̂ dunda dang mba Lubba. Mba n̂-toko Egilisi le kə maann ddəm kə Tar ddəm.

Epɛjinyɛje 6:17

Unnje kaji kə̂ Lubba ajije le tokə əjɔkudɔ andə-narɛ lə njê-ddɔje. Ngaâ unnje tar lə Lubba tokə tɔkə kiya kə̂ Ndil-mə-nda arəse.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Ebərəje 6:5

N̂-gərəje maji lə tar lə Lubba ngaâ n̂-gərəje singa-mɔnguje lə Lubba kə̂ a toje ndɔ tə̂ kə̂ nâ ddee kɔn-mbay.

Jakə 1:18

Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

Apokalisi 1:16

Nuwa əndɛtɛrɛndɛnje siri jia tə̂ kə̂ kɔl. Tɔkə kiya kə̂ tɛɛ̂ joo kəm atə tee tɛɛ̂ tə̂ ngaâ kəmɛ̂ ndoko tokə lə kar kə̂ ɔsu kə singa nya.

Apokalisi 19:15

Marə tɔkə kiya kə̂ atə in ta dəw tə̂ kə̂ aal sunda le tee ta tuka nɛ̂n gəl-dəwje. Nâ kɔn dɔde karə ngəng nya. Nâ tɔju wungu lə Lubba kə̂ to nje-singa-mɔngu, wungu laa kə̂ aw ɔn puru, ddəw mbɔyn tə̂ kə̂ nâ mbɔynde kə gɔlɛ̂ tokə lə kandə binyə mə nɛ̂n-kore-maann binyə tə̂.

Apokalisi 19:21

N̂-tɔl kəseje kə tɔkə kiya kə̂ in ta dəw tə̂ kə̂ isi dɔ sunda tə̂ tee le ngaâ əəlje tɔyn ɔnje taalde arə məde ndann.

Apokalisi 2:16

Yeenn a, to tar ləi ta turu məi. Baann ang a, mâ ddee rɔi tə̂ njangə baa mba ddɔ kə dəwjeenn le kə tɔkə kiya kə̂ tee tam tə̂ nəənn.

Apokalisi 2:23

Mâ tɔl ngannɛ̂. Yeenn bba Egilisije tɔyn a gərəje to m-to dəw kə̂ aw gərə kəjəje lə dəwje ddəm bbo nɛ̂nje kə̂ to mə dəwje tə̂ ddəm. Mâ dda nɛ̂n kə se kâra kâra tɔyn asə kəm kula-ddase.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).