Ebərəje 4:11 - Dɔnɔn kə̂ Siki: Tar kə̂ aw arə təbbə

¹¹ Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

Ebərəje 4:11 Iomraidhean Croise

Matiye 11:12

Unn kute dɔ ndɔ tə̂ lə Jan-Batisi ndərəng bbasinɛn, Bbe-kɔn kə̂ darâ to nɛ̂n kuwa kə singa ngaâ njê-singaje â aw sangəje ddəw ta kuwa taa.

Matiye 7:13

«Andəje kə ta-ddəw kə̂ ngaji, mba ta-ddəw kə̂ bo ngaâ tatə to ta-ddəw kə̂ aw kə ta yo tə̂. Dəwje nya aw andəje nɛ̂n.

Luku 13:24

«Maji karə ə-ddaje singa andəje kə ta-ddəw kə̂ ngaji. Mba, m-pa marəse: Dəwje nya a sangəje ddəw ta kandə. A dâ kasəje ang.

Luku 16:16

«Ndu lə Mɔyijə kə tar lə njê-kilaje mbər tar lə Lubba tɔju ddəw dəwje ndərəng ndɔ tə̂ lə Jan-Batisi. Unn kute ndɔɛ̂ tə̂ənn kə̂ daw dila mbər Tar kə̂ Maji dɔ Bbe-kɔn tə̂ lə Lubba darə dəwje, nân nân kara aw dda singa mba kandə tə̂.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Kulaje 26:19

«Tɔkə mbay Agiripa, mba yeenn â, m-tusu nɛ̂n kə̂ in darâ kə̂ moo tokə lə ninjeenn le minya m-dda nɛ̂n kə̂ dang ang.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Kolosinyɛje 3:6

Yeenn to nɛ̂nje kə̂ aw ddee kə wungu lə Lubba dɔ dəwje tə̂ kə̂ toje to njê-dɔ-kətərəje.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Ebərəje 3:12

Ngakɔnʼmje, aaje rɔse arəje marə dəw kâra horose tə̂ arə məɛ̂ maji ang ang ddəm mbətə ta koo məɛ̂ tə̂ ang ddəm aw ddəw əw kə Lubba kə̂ Nje-kisi kəm baa le ang ddəm.

Ebərəje 3:18

Lubba ubbu nɛ̂n nan: «Dâ kandəje dɔ nangə tə̂ kə̂ m-gɔl karə duwaje rɔde kə tə̂ le ndɔ kâra ang.» Njê kə̂ nubbu nɛ̂n narəde le toje to njê kə̂ dda wa? Nubbu nɛ̂n narə dede kə̂ n̂-ddaje dɔ-kətərə saa le.

Ebərəje 4:6

Njê kə̂ ooje tar nəənn dɔngɔr le andəje lo kuwa-rɔ tə̂ le ang, mba n̂-ddaje dɔ-kətərə. A ddəw to ta karə marə dəwje andəje bbay.

Ebərəje 6:11

A nɛ̂n kə̂ n-ndiki to karə bbo kula nəənn le nayn məse tə̂, sese kâra kâra tɔyn ndərəng ɔsu kɔnyɛ̂. Yeenn bba â kingaje nɛ̂nje tɔyn kə̂ aw undaje məse dɔɛ tə̂.

2 Piyɛr 2:6

Goe tə̂ a, dəwje kə̂ Sɔdɔm kə Gɔmɔr, Lubba gangə sariya-yo dɔde tə̂ ngaâ narə n̂-ro bbeje le darə ddee to bu. Yeenn to nɛ̂n-kɔju-marɛ̂ mba njê-nɛ̂n-ddaje kə̂ maji ang kə̂ ndɔ tə̂ kə̂ bara.