Ebərəje 4:1 - Dɔnɔn kə̂ Siki: Tar kə̂ aw arə təbbə

¹ Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.

Ebərəje 4:1 Iomraidhean Croise

Matiye 24:48

 bbo n̂-to nje-kula kə̂ maji ang a, nâ kəjə nan: ‹Əbbəmje a ddee njangə ang bbay.›

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Rɔmɛnje 11:20

Dɔgɔlɛ̂ njaa. Lubba tuka barkəmde mba dooje məde tə̂ saa ang, a əi ə-nayn aw tinya kakə tə̂ le mba oo məi tə̂ kə Lubba le. Yeenn a, maji karə bbəəl â ə-bbəəl bbo unda gui ang.

Rɔmɛnje 3:23

Dəwje tɔyn ddaje majang arə dasəje piti lə Lubba ang.

1 Kɔrɛntinyɛje 10:12

Yeenn a, maji karə dəw kə̂ oo to nar taar a, aa rɔɛ̂, mba nâ kin koso.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

2 Timɔte 2:13

Bbo julaje pa-nja ləje naan tə̂ a, ne nula pa-nja laa naan tə̂ ang, mba nâ kasə ta təl turu tar kə̂ tee tɛɛ̂ tə̂ njaa ang.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 13:7

Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Ebərəje 3:11

Mə wungu tə̂ kə̂ ɔnʼm le, munda yo m-pa nan: Dâ kandəje dɔ nangə tə̂ kə̂ m-gɔl karə duwaje rɔde kə tə̂ le ndɔ kâra ang.»

Ebərəje 4:11

Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

Ebərəje 4:9

Yeenn pa nan, marə ndɔ kə̂ dəwje lə Lubba a kuwaje nɛ̂n rɔde le nayn bbay. Ndɔ le to tokə ndɔ kə̂ to siri laa le.