Ebərəje 3:7 - Dɔnɔn kə̂ Siki: Tar kə̂ aw arə təbbə

⁷ Mba yeenn bba, tokə Ndil-mə-nda pa nan: «Bbokənɛn, bbo ooje ndu Lubba kə̂ aw bbar a,

Ebərəje 3:7 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 22:43

Jeju pa arəde nan: «Yeenn a, tokə baânn bba Dabbiti Ndil dduse a, təl bbar Kristə le to ‹Əbbeeje› wa? Dabbiti le pa nan:

Marke 12:36

Dabbiti njaa kara, kar tə̂ kə̂ Ndil-mə-nda dduse, pa nan: ‹Əbbə-dəwje Lubba pa arə Əbbəmje nan: Ə-ddee isi dɔ ji-kɔləm tə̂ ndərəng ta mungu njê-baanje ləi kɔ gɔli tə̂.›

Tar kə̂ Maji kə̂ Jan dda makəturu tə̂ 10:16

Marə batəje ləm toje bbay kə̂ eeje mə singa tə̂ nəənn ang. Dede kara, to tar ləm ta ddee kə de. Dâ kooje ndum. Baann bba kusu batəje a to kâra baa ngaâ nje-ngəmde a to kâra baa tɔ.

Tar kə̂ Maji kə̂ Jan dda makəturu tə̂ 10:27

Batəje ləm ooje ndum. Əman, m-gərəde ngaâ dunnje gom.

Tar kə̂ Maji kə̂ Jan dda makəturu tə̂ 10:3

Nje-ngəm ta-ddəw ɔru tɛɛ̂ arɛ̂ ngaâ batəje ooje ndue. N̂-bbar batəje laa kə ride kâra kâra ngaâ n̂-tee kə de ddaka.

Tar kə̂ Maji kə̂ Jan dda makəturu tə̂ 5:25

Tɔkɔrɔ njaa, m-pa marəse, kar aw ddee ngaâ karɛ̂ le asə mban. Dəwje kə̂ oyje a kooje ndu Ngonn lə Lubba ngaâ njê kə̂ a kooje ndue le a kisije kəm baa.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 28:25

Horode tə̂ tar ləde aw naan tə̂ ang ngaâ kar tə̂ kə̂ dâ ta kɔtuje a, Pɔl pa tar kâra nan: «Tar kə̂ Ndil-mə-nda unda ta Ejayi tə̂ kə̂ to nje-kila mbər tar lə Lubba arə pa arə kajejedede le to tar kə̂ tɔkɔrɔ. Ndil-mə-nda pa nan:

Kulaje 8:29

Ndil pa arə Pilipi le nan: «Aw kə ngɔru aw inga sarɛtə toonn.»

Ebərəje 10:15

Ndil-mə-nda njaa kara pa nan tar nəənn le to tar kə̂ tɔkɔrɔ. N̂-pa nan:

Ebərəje 3:13

Lubba nayn aw bbarse «bbokənɛn» bbay. Maji karə ə-ndəjəje naan kə ndɔ tɔyn. Baann bba karə majang dda arə marə dəw horose tə̂ dda dɔ-kətərə ang.

Ebərəje 3:15

Makəturu lə Lubba pa nan: «Bbokənɛn, bbo ooje ndu Lubba kə̂ aw bbar a, arəje məse kətərə tokə lə kaseseje ang. Mba ləw, n̂-ddaje dɔ-kətərə kə Lubba.»

Ebərəje 4:7

Mba yeenn bba, Lubba ila marə ndɔ tokə siki ngaâ n̂-bbar ndɔ le nan «bbokənɛn». Ndɔ nday nya bba narə Dabbiti pa makəturu tə̂ nəənn le nan: «Bbokənɛn, bbo ooje ndu Lubba kə̂ aw bbar a, arəje məse kətərə ang.»

Ebərəje 9:8

Ndil-mə-nda tɔju tokə baann to, bbo dɔngɔr kəy-tande le nayn bbay a, ddəw kandə lo tə̂ kə̂ n̂-sangə dang nya bbay mba Lubba nayn ɔru ang bbay tɔ.

2 Piyɛr 1:21

Mba dəw ila mbər tar lə Lubba kə mə-ndiki laa njaa ang. Ndil-mə-nda â aw kə dəwje arə ilaje mbər tar kə̂ in ta Lubba tə̂.

Apokalisi 3:20

Oo, mar ta-kəy tə̂, maw tunda. Bbo dəw oo ndum ngaâ ɔru ta-kəy le a, mâ kandə kəy laa ngaâ ja kusa nɛ̂n kə naan.