Ebərəje 3:5 - Dɔnɔn kə̂ Siki: Tar kə̂ aw arə təbbə

⁵ Ləw, Mɔyijə to nje-kula kə̂ dda kula kə dɔgɔlɛ̂ mə kəy tə̂ lə Lubba tɔyn. Ne â n̂-to nje-tar-naji tarje kə̂ Lubba a ta pa.

Ebərəje 3:5 Iomraidhean Croise

Matiye 24:45

«Nje-kula kə̂ dda nɛ̂n kə dɔgɔlɛ̂ ddəm kəmɛ̂ arɛ ddəm kə̂ əbbeeje inya njê-kula marɛ̂je jia tə̂ karə narəde nɛ̂n-kusa kə karɛ̂ to nân wa?

Matiye 25:21

Əbbeeje pa arɛ̂ nan: ‹Maji, ə-to nje-kula kə̂ maji ddəm ə-dda nɛ̂n kə dɔgɔlɛ̂ ddəm. Ə-dda nɛ̂n kə dɔgɔlɛ̂ kə nɛ̂n kə̂ tɛn baa kə̂ mari. Yeenn a, mâ kinya nɛ̂nje kə̂ bo jii tə̂. Ə-ddee arə rɔi nəəli səm.›

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Luku 24:27

Jeju unn kutu kɔru gəl nɛ̂nje kə̂ Mɔyijə kə njê-kilaje mbər tar lə Lubba tɔyn paje dɔɛ̂ tə̂ makəturuje tə̂ le.

Luku 24:44

Goe tə̂ a, n̂-pa narəde nan: «Nɛ̂n kə̂ m-pa marəse kar tə̂ kə̂ m-nayn kə se le â nəənn. Maji karə tar kə̂ dɔm tə̂ kə̂ mə makəturu-ndu tə̂ lə Mɔyijə kə makəturu tə̂ lə njê-kilaje mbər tar lə Lubba kə makəturu Sɔmje tə̂ ddee to nɛ̂n kə̂ tɔkɔrɔ.»

Tar kə̂ Maji kə̂ Jan dda makəturu tə̂ 5:39

«Aw kinyaje mə Makəturu lə Lubba, mba əjəje to Makəturu le a karəse təbbə kə̂ to kə ndɔ kə ndɔ. Makəturuje le paje tar-naji ləm.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

Rɔmɛnje 3:21

A bbasinɛn, Lubba tɔju gusu kə̂ n̂-dda narə dəwje ddeeje nɛ̂n gatə gatə kəmɛ̂ tə̂. Gusu le to ddəw Ndu tə̂ ang. Ndu kə makəturu lə njê-kilaje mbər tar lə Lubba tɔjuje nɛ̂ɛnn le mban.

1 Kɔrɛntinyɛje 4:2

A nɛ̂n kə̂ daw duju ji dəwje tə̂ kə̂ dinya nɛ̂nje jide tə̂, to ta karə n̂-toje gatə gatə.

1 Timɔte 1:12

Marə wooyo nya Əbbəjeje Jeju-Kristə kə̂ arəm singa: Noom to marə dəw kə̂ nâ kasə ta kunda məɛ̂ dɔɛ̂ tə̂ ngaâ n̂-bbarəm kula tə̂ laa.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.

Ebərəje 3:2

Lubba mbəre mba kula nəənn le ngaâ n̂-dda kula le kə dɔgɔlɛ̂ tokə Mɔyijə dda kə dɔgɔlɛ̂ mə kəy tə̂ lə Lubba tɔyn le.

Ebərəje 3:4

Kəy kâra kâra tɔyn, dəw â dda. A Lubba â dda nɛ̂nje tɔyn.

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

Ebərəje 9:24

Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.

Apokalisi 15:3

Daw dɔsuje pa lə Mɔyijə kə̂ to nje-kula lə Lubba ddəm pa lə Ngonn batə ddəm nan: «Əbbə-dəwje Lubba kə̂ Nje-singa-mɔngu, nɛ̂nje kə̂ ə-dda bo nya ddəm kura ləde dum dɔ dəwje ddəm! Tɔkə mbay lə gəl-dəwje, nɛ̂n kə̂ aw dda to gatə gatə ddəm to nɛ̂n kə̂ tɔkɔrɔ ddəm.