Ebərəje 2:4 - Dɔnɔn kə̂ Siki: Tar kə̂ aw arə təbbə

⁴ Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.

Ebərəje 2:4 Iomraidhean Croise

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Marke 6:14

Mbay Erodə oo tar lə Jeju mba ria bbar kə lo tɔyn. Marə dəwje paje nan: «Jan-Batisi kə̂ oy le â ndol! Mba yeenn bba, ninga singa dda nɛ̂n-mɔrije.»

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Tar kə̂ Maji kə̂ Jan dda makəturu tə̂ 4:48

Jeju pa arɛ̂ nan: «Bbo m-dda nɛ̂n-mɔrije kə nɛ̂nje kə̂ dum dɔ koo ang a, â kasəje ta koo məse tə̂ ang.»

Kulaje 14:3

Dɔ nɛ̂nje tə̂ənn tɔyn, Pɔl de kə Barnabas n̂-naynje bbe tə̂ kə̂ Ikoniyɔm le gode əw. Daw paje tar lə Əbbə-dəwje kə bbəəl ang. Əbbə-dəwje le tɔju to tar mə-maji laa le to nɛ̂n kə̂ tɔkɔrɔ ddəw nɛ̂n-mɔrije tə̂ kə nɛ̂nje kə̂ dum dɔ koo kə̂ narə singa ansinyɛje narə ddaje.

Kulaje 4:10

Sese tɔyn kə dəwje kə̂ Ijarayɛl, maji karə ə-gərəje to kə ri Jeju-Kristə kə̂ Najarɛtə kə̂ ə-tɔlɛ̂je kakə-dəsə tə̂ bba Lubba ndole le â dəw nəənn ar nɛ̂n nɔnse tə̂ kə rɔ kə̂ maji nəənn.

Kulaje 5:32

Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»

Epɛjinyɛje 1:5

Lubba gɔl tokə kete karə n-təl to ngannɛ̂ ddəw tə̂ lə Jeju-Kristə kə mə-maji laa njaa.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Epɛjinyɛje 4:7

A jeje tɔyn njaa Lubba dda kə je mə-maji asə kəm gusu kə̂ Kristə arəje kâra kâra.

Ebərəje 6:4

Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.