Ebərəje 2:3 - Dɔnɔn kə̂ Siki: Tar kə̂ aw arə təbbə

³ Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 2:3 Iomraidhean Croise

Matiye 23:33

See lije, ko əmbakaraje, â kasəje ta tee ta sariya puru tə̂ kə̂ aw ɔn kə ndɔ kə ndɔ tokə baânn wa?

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Marke 1:14

Go kila tə̂ kə̂ dila Jan kəy-kula tə̂ a, Jeju aw Galile aw ila mbər Tar kə̂ Maji lə Lubba.

Luku 1:69

Ngaâ narəje Nje-kaji-dəwje kə̂ to nje-singa-mɔngu, kə̂ in gəl bbərə tə̂ laa Dabbiti,

Luku 24:19

Jeju dujude nan: «Ddi wa?» Dilɛ̂je tə̂ nan: «Nɛ̂n kə̂ inga Jeju kə̂ Najarɛtə. N̂-to nje-kila mbər tar lə Lubba kə̂ ngəng nya ddəw kula tə̂ ddəm ddəw tar tə̂ ddəm nɔn gɔl Lubba tə̂ kə nɔn gɔl dəwje tə̂ tɔyn.

Tar kə̂ Maji kə̂ Jan dda makəturu tə̂ 15:27

Ngaâ sese kara, â kɔruje naji ləm, mba eeje səm ləw baa kunn-kute tə̂.»

Kulaje 1:22

unn kute dɔ ndɔ tə̂ kə̂ Jan ddɛɛ̂ nɛ̂n batɛm ndərəng ndɔ tə̂ kə̂ Lubba unnɛ̂ nɛ̂n horoje tə̂ təl saa darâ. Maji karə marə dəw kâra horo dəwje tə̂ nəənn le təl to nje-tar-naji kə je dɔ tar ndol tə̂ lə Jeju-Kristə kə̂ oy, a ndol le.»

Kulaje 2:22

«Ngann Ijarayɛlje, maji karə ooje tar kə̂ mâ ta pa karəse nəənn. Jeju kə̂ Najarɛtə le to dəw kə̂ Lubba tɔjuse to ne â nulɛ̂ narəse. Yeenn bba Lubba arə n̂-dda nɛ̂n-mɔrije, nɛ̂nje kə̂ dum dɔ koo kə nɛ̂n-kɔbbuje dang dang horose tə̂. Ə-gərəje nɛ̂njeenn kə majɛ̂.

Kulaje 4:12

«Ne kâra baa nasə kajije, mba marə ri dang dɔ nangə tə̂ kə̂ Lubba unda dɔ marə dəw tə̂ karə ajije goto.

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

Rɔmɛnje 2:3

Əi aw gangə sariya dɔ dəwje tə̂ kə̂ aw ddaje nɛ̂nje kə̂ baann kə̂ əi kara aw dda tɔ. A əi, əjə to â tee ta sariya tə̂ lə Lubba wa?

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Tesalonisinyɛje 5:3

Kar kə̂ dəwje a paje nan: «Jisi kə mə-wul-lɔm kə majɛ̂ njaa ngaa. Jasə ta njaa kə bbəəl ang ngaa.» A karɛ̂ tə̂ənn njaa, njangə baa a, tuju a koso dɔ dəwje tə̂ le tokə ndo kə̂ ɔsu dɛnɛ̂n ngaâ dâ teeje tɛɛ tə̂ ang.

1 Timɔte 1:15

Tar nəənn to tar kə̂ tɔkɔrɔ, maji karə dəwje tɔyn taaje tar nəənn ngəmje məde tə̂: Jeju-Kristə ddee dɔ nangə tə̂ mba kaji njê-nɛ̂n-ddaje kə̂ maji ang. Əman njaa m-to dəw kə̂ dda majang uta kəsə dəwje tɔyn.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Ebərəje 1:1

Ləw, Lubba pa tar kə kajejedede gɔl banya nya kə gusu kə̂ dang dang ddəw tə̂ lə njê-kilaje mbər tar laa.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 4:1

Ndu Lubba kə̂ unn ta karə jandə lo kuwa-rɔ tə̂ kə̂ n̂-gɔl mba tar ləje le nayn baa bbay. Yeenn a, maji karə kəmje kətərə bba karə dəw kâra horose tə̂ dda tokə nɛ̂ɛnn le due to du ang.

Ebərəje 4:11

Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Jan 1:1

Nɛ̂n kə̂ to kunn-kute tə̂ njaa, nɛ̂n kə̂ joo kə mbije, nɛ̂n kə̂ joo kə kəmje, nɛ̂n kə̂ n-təənn joo kə majɛ̂ ngaâ jɔru kə jije joo le, nɛ̂n le to Tar kə̂ aw arə təbbə dəwje.

Judə 1:17

A see ngakɔnʼmje kə̂ m-ndikise, maji karə oleje məse dɔ tar tə̂ lə njê-kaw-kulaje lə Əbbəjeje Jeju-Kristə kə̂ paje arəse ləw.

Apokalisi 7:10

Daw duruje əkii nan: «Lubba ləje kə̂ isi ngende-mbay tə̂ de kə Ngonn batə â dajijeje.»