Ebərəje 2:17 - Dɔnɔn kə̂ Siki: Tar kə̂ aw arə təbbə

¹⁷ Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 2:17 Iomraidhean Croise

Rɔmɛnje 15:17

Mba yeenn bba, masə ta kunda gum kə kula kə̂ m-dda mba Lubba, ddəw mə-kâra tə̂ kə̂ m-dda kə Jeju-Kristə.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Epɛjinyɛje 2:16

Ddəw koy tə̂ laa dɔ kakə-dəsə tə̂, Kristə mbɔnde arə n̂-ddeeje to dəwje kə̂ kâra baa ngaâ nungude naan tə̂ kə Lubba. Ddəw koy tə̂ laa le n̂-dda narə mbətə-naan unda ngangɛ̂.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

Ebərəje 10:21

Jee kə marə tɔkə nje-polo Lubba kə̂ Lubba undɛ̂ to nje-kɔn dɔ kəy laa.

Ebərəje 2:11

A ne kə̂ naw dda narə dəwje aw ddeeje to dəwje lə Lubba le, ne de kə dəwje lə Lubba le tɔyn njaa bɔdede kâra baa. Mba yeenn bba bbo n̂-bbarde to ngakɔɛ̂n a, to rɔ-kul laa ang.

Ebərəje 2:14

Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Ebərəje 2:16

Mba anjəje â Jeju ddee ta kumande ang, dəwje kə̂ gəl Abaraham tə̂ â n̂-ddee ta kumande.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:2

Lubba mbəre mba kula nəənn le ngaâ n̂-dda kula le kə dɔgɔlɛ̂ tokə Mɔyijə dda kə dɔgɔlɛ̂ mə kəy tə̂ lə Lubba tɔyn le.

Ebərəje 3:5

Ləw, Mɔyijə to nje-kula kə̂ dda kula kə dɔgɔlɛ̂ mə kəy tə̂ lə Lubba tɔyn. Ne â n̂-to nje-tar-naji tarje kə̂ Lubba a ta pa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 5:1

Tɔkə njê-poloje Lubba kâra kâra tɔyn, n̂-mbərəde horo dəwje tə̂ karə n̂-ddaje kula lə Lubba mba dəwje le. Kula ləde to ənga kunn nɛ̂n-karə-baaje kə nɛ̂n-poloje kə̂ dəwje ddeeje nɛ̂n karə Lubba mba majangje.

Ebərəje 5:10

Tɔkɔrɔ njaa, Lubba undɛ̂ to tɔkə nje-polo tokə Mɛlkisedɛk.

Ebərəje 5:2

Ne nje-polo Lubba le njaa kara naw nubba singa ddəw marə nɛ̂nje tə̂ ang nya. Yeenn a, nasə ta gərə nɛ̂n kə̂ aw uta singa dəwje kə̂ gərəje nɛ̂n ang ngaâ ndəəmje ddəw.

Ebərəje 5:5

Kristə kara ɔsu gaji rɔɛ̂ to tɔkə nje-polo Lubba ang. Lubba â bbarɛ̂ ngaâ pa nan: «Ə-to Ngonnəm. Bbokənɛn marə ə-ddee to ngonnəm ngaa.»

Ebərəje 6:20

Jeju andə lo tə̂ le kete arəje to nje-kɔru nɔnje. N̂-ddee to tɔkə nje-polo Lubba tokə Mɛlkisedɛk. Nâ nayn to tɔkə nje-polo Lubba kə̂ to kə ndɔ kə ndɔ.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

Ebərəje 7:28

Tɔkə njê-poloje Lubba kə̂ Ndu lə Mɔyijə undade dang le toje to dəwje baa. Dubbaje singa mə marə nɛ̂nje tə̂ ang. A tar kə̂ Lubba pa to yo-kunda go Ndu tə̂ lə Mɔyijə le nunda Ngonnɛ̂ to nje-polo Lubba kə̂ asə tɔyn kə ndɔ kə ndɔ.

Ebərəje 8:1

Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 8:3

Tɔkə njê-poloje Lubba tɔyn dundade karə dunnje nɛ̂n-karə-baa ddəm nɛ̂n-polo ddəm darəje Lubba. Mba yeenn bba, to tar lə Jeju ta kinga marə nɛ̂n mba karə Lubba tɔ.

Ebərəje 9:11

A Kristə ddee mban. N̂-to tɔkə nje-polo Lubba kə̂ aw arəje nɛ̂nje kə̂ maji kə̂ toje tə̂ənn mban. Nandə mə kəy-tande tə̂ kə̂ ngəng uta ye kə̂ kete ddəm asə tɔyn ddəm. To dəw â dda kəy-tande le ang, yeenn pa nan to nɛ̂n kə̂ nangə̂ nəənn ang.