Ebərəje 2:14 - Dɔnɔn kə̂ Siki: Tar kə̂ aw arə təbbə

¹⁴ Ngannje nəənn le toje tɔyn to dəwje. Yeenn bba Jeju kara ddee to dəw tokə dede tɔ. Baann bba ddəw koy tə̂ laa, n̂-guru singa Əsu kə̂ ee kə singa tɔl dəw,

Ebərəje 2:14 Iomraidhean Croise

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 12:24

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Rɔmɛnje 14:9

Mba Kristə oy ngaâ təl isi kəm baa, baann bba nâ to Əbbə dəwje kə̂ oyje ddəm Əbbə dəwje kə̂ isije kəm baa ddəm.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

1 Kɔrɛntinyɛje 1:28

Nɛ̂n kə̂ dɔ nangə tə̂ kə̂ dəwje ooje to nɛ̂n kə̂ ture goto, nɛ̂n kə̂ to nɛ̂n ang, nɛ̂n kə̂ dəwje mbətəje bba Lubba unn mba tuju nɛ̂n nɛ̂n kə̂ ngəng.

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

Galatəje 4:4

A tokə karɛ̂ asə a, Lubba ula Ngonnɛ̂, dɛnɛ̂n uje, n̂-ngəmɛ̂ kɔ Ndu tə̂ lə Mɔyijə,

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

Ebərəje 10:10

Jeju-Kristə dda nɛ̂n kə̂ Lubba ndiki ddəw da-rɔɛ̂ tə̂ kə̂ nunn gɔl kâra baa njaa narə to dɔbɔnyɛ̂ bba karə n̂-toko nɛ̂n-yərəw ləje.

Ebərəje 10:5

Mba yeenn bba, kar tə̂ kə̂ Kristə a ta ddee dɔ nangə tə̂ le, n̂-pa narə Lubba nan: «Ə-ndiki nɛ̂n-polo ang ddəm nɛ̂n-karə-baa ang ddəm a ə-dda arə da-rɔm to.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 2:18

Bbasinɛn nasə ta kuman njê kə̂ nɛ̂n aw nande, mba ne njaa kara nɛ̂n nɛɛ̂n ddəm noo ndoo ddəm.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 12:9

Dunn tɔkə da le, ne li kə̂ ləw baa kə̂ daw bbarɛ̂ nan Əsu, Satan, ne nje-kərə dəwje kə̂ dɔ nangə tə̂ tɔyn le, ne kə anjəje laa le n̂-tutade n̂-tilade dɔ nangə tə̂.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 20:2

Nuwa da kə̂ unn da-rɔ mar, kə̂ to li kə̂ ləw, kə̂ to əsu, kə̂ to Satan le ngaâ n̂-tɔɛ̂ kə kula njamji mba bbal doro kâra (1 000)