Ebərəje 13:7 - Dɔnɔn kə̂ Siki: Tar kə̂ aw arə təbbə

⁷ Maji karə oleje məse dɔ dəwje tə̂ kə̂ tɔjujese ddəw ləw ngaâ ndajije tar lə Lubba kə̂ pa dɔ Jeju tə̂ arəse le. Əjəje dɔ kisi tə̂ ləde ndərəng koy tə̂ ləde, ta ə-ndajije mə-kunn ləde.

Ebərəje 13:7 Iomraidhean Croise

Matiye 24:45

«Nje-kula kə̂ dda nɛ̂n kə dɔgɔlɛ̂ ddəm kəmɛ̂ arɛ ddəm kə̂ əbbeeje inya njê-kula marɛ̂je jia tə̂ karə narəde nɛ̂n-kusa kə karɛ̂ to nân wa?

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Luku 5:1

Marə ndɔ Jeju ar mbɔr dangə maann tə̂ kə̂ Jenejarɛtə. Dəwje kə̂ banya gukuje dɔɛ̂ ngaâ daw dubbaje naan mba koo tar lə Lubba kə̂ naw pa.

Luku 8:11

Gusu-tar nəənn le, gəle tokə be: «Kandə-ko le to tar lə Lubba.

Kulaje 13:46

Pɔl de kə Barnabas n̂-paje tar kə bbəəl ang darəde nan: «Sese â, to ta karə ə-toje to dɔngɔr dəwje kə̂ ja pa tar lə Lubba nəənn karəse. A ə-mbətəje tar le ngaâ sese njaa ə-təlje ooje rɔse to dəwje kə̂ asəje ta kinga təbbə kə̂ to kə ndɔ kə ndɔ ang. Yeenn bba, n-turu kəmje kə rɔ dəwje tə̂ kə̂ toje to Jiipije ang ngaa.

Kulaje 14:23

Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.

Kulaje 4:31

N̂-dujuje Lubba n̂-tungaje a, nangə yəkə lo tə̂ kə̂ n̂-mbɔnje naan tə̂ le. Ndil-mə-nda ddusude ngaâ dunnje kutu pa tar lə Lubba kə bbəəl ang.

Rɔmɛnje 10:17

Yeenn a, mə-kunn ddee ddəw tar tə̂ kə̂ dəw aw oo, tar le to tar lə Kristə.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

1 Kɔrɛntinyɛje 11:1

Maji karə ə-ndajimje tokə əman, maw ndaji Kristə le.

1 Kɔrɛntinyɛje 4:16

Yeenn bba, m-dujuse nya karə ə-ndajimje.

Pilipinyɛje 3:17

Ngakɔnʼmje, maji karə sese tɔyn njaa ə-ndajije kula ddam. Jeje n-toje to nɛ̂n-kɔju-marɛ̂. Yeenn a, arəje kəmse to kə dɔ dəwje tə̂ kə̂ pa-nja ləde to tokə pa-nja ləm kə̂ n-nja nɛ̂n.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

2 Tesalonisinyɛje 3:7

Sese njaa kara, ə-gərəje gusu kə̂ ta ndaji nɛ̂n nɛ̂n-ddaje ləje. Mba kar tə̂ kə̂ n-nayn horose tə̂ le, n-dabbə ang.

2 Tesalonisinyɛje 3:9

Tɔkɔrɔ, jee kə ddəw ta dujuse karə umanjeje njaa. A n-ndiki ta dda rɔje to nɛ̂n-kɔju-marɛ̂ karə ə-ndajijeje.

1 Timɔte 3:5

A bbo dəw gərə ta kɔn dɔ njê kə̂ mə kəy tə̂ laa ang a, nâ ngəm Egilisi lə Lubba tokə baânn wa?

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Ebərəje 13:24

Ə-ddaje lapiya njê kə̂ aw tɔjuse ddəw kə dəwje lə Lubba tɔyn. Ngakɔnje kə̂ Itali ddase lapiya.

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).

Apokalisi 6:9

Ngonn batə le ɔru nɛ̂n kə̂ n̂-lətə nɛ̂n ta makəturu le kə̂ to min laa a, moo ndil dəwje kɔ bann tə̂. To ndil dəwje kə̂ n̂-tɔlde mba tar lə Lubba kə tar-naji kə̂ n̂-paje.