Ebərəje 13:5 - Dɔnɔn kə̂ Siki: Tar kə̂ aw arə təbbə

⁵ Maji karə bbo narɛ dɔrɔ â to mə nɛ̂n-ddaje tə̂ ləse ang. Maji karə undaje məse kə dɔ nɛ̂n tə̂ kə̂ to jise tə̂ njaa. Mba Lubba pa nan: «Mâ kinyai ang ddəm mâ mbəti ang ddəm.»

Ebərəje 13:5 Iomraidhean Croise

Matiye 6:19

«Ə-mbɔnje nɛ̂n-kingaje kə dɔ naan tə̂ duninya tə̂ nəənn ang, mba duninya tə̂ nəənn, sɔlɔlɔ kə mbɔrkasɛ a tujuje nɛ̂n-kingaje le ngaâ njê-bbokoje a tətə ta-kəy mba bboko.

Matiye 6:25

«Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm nɛ̂n-kayse ang ddəm, əjəje tar da-rɔse mba kubbu kə̂ ta kula ang. Təbbə ləse ngəng uta nɛ̂n-kusa ddəm da-rɔse ngəng uta kubbu ddəm ang wa?

Matiye 6:34

«Yeenn a, əjəje tar mba nɛ̂n kə̂ bara ang. Mba bara njaa a sangə nɛ̂n laa bbay. Ndɔ kâra kâra to kə ndoo laa kə̂ ta koo.»

Marke 7:22

dda lo-to-majang, dda bbo nɛ̂n-kinga, məɛ̂ aw maji ang. Naw nula dəwje naan tə̂, naw dda nɛ̂n kə̂ to kə dɔgɔlɛ̂ ang, naw nunda mə kə dəw, naw nanɛn kə dəw, noo rɔɛ̂ bo ngaâ naw dda nɛ̂n-mbə.

Luku 3:14

Mbambaje kara dujeje nan: «A jeje, ddi bba to maji karə n-dda wa?» Nilade tə̂ nan: «Uwaje dəw kə singa ə-taaje nɛ̂n laa ang ddəm ulaje tar ta dəw tə̂ baa ang ddəm. A maji karə narɛ-kunnse njaa undaje məse dɔɛ tə̂.»

Luku 8:14

Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

Rɔmɛnje 1:29

Nɛ̂nje kə̂ gatə gatə ang, majang, mə-majang kə kəm-nda uta dɔde. Mə uta dɔde, n̂-toje to njê-tɔlje dəwje, n̂-toje to dəwje kə̂ ndikije kɔl. N̂-toje to njê-kərəje njê-marədeje, daw ddaje nɛ̂n to ngar, daw paje tar kə̂ ddəkərə dɔ njê-marədeje tə̂.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

2 Kɔrɛntinyɛje 4:9

Dəwje aw ulaje kəmje ndoo tə̂, a Lubba inyaje ang. Daw dakəje, a n̂-tɔlje ang.

Epɛjinyɛje 5:3

Ə-toje to dəwje lə Lubba. Mba yeenn bba, maji karə dəw bbar ri nɛ̂nje tokə kaya, nɛ̂n-yərəw, kunda kəm-nda horose tə̂ ang.

Epɛjinyɛje 5:5

Mba maji karə ə-gərəje kə majɛ̂: Dəw kə̂ aw dda kaya, dəw kə̂ aw dda nɛ̂n-yərəw, dəw kə̂ aw unda kəm-nda, mba kunda kəm-nda to polo kɔr. Bbe-kɔn lə Kristə de kə Lubba a to lə dəwje kə̂ baann ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

Judə 1:11

Nɛ̂n-wungu a ddee dɔde tə̂, mba n̂-ddaje nɛ̂n tokə lə Kayn. Dərəje ngəm tokə lə Balaam mba kinga nɛ̂n narɛ, n̂-ddaje dɔ-ngəng tokə lə Kore.