Ebərəje 13:21 - Dɔnɔn kə̂ Siki: Tar kə̂ aw arə təbbə

²¹ Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Ebərəje 13:21 Iomraidhean Croise

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 16:27

Lubba kâra baa â to nje-kəm-karɛ, piti to laa ddəw tə̂ lə Jeju-Kristə kə ndɔ kə ndɔ! Amɛnn!

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Galatəje 1:5

Maji karə dəwje piteje kə ndɔ kə ndɔ. Amɛnn.

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Epɛjinyɛje 2:18

Mba ddəw tə̂ lə Kristə le â jeje tɔyn ja kasəje ta ddee nɔn Bɔjeje Lubba tə̂, ddəw tə̂ lə Ndil-mə-nda kə̂ kâra baa le.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 2:11

ngaâ karə dəwje tɔyn paje kə tade nan Jeju-Kristə to Əbbə-dəwje mba kɔsu nɛ̂n gaji Lubba kə̂ Bɔ.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 3:17

Nɛ̂n tɔyn kə̂ aw ddaje wase aw paje, maji karə ə-ddaje kə ri Əbbə-dəwje Jeju ngaâ arəje wooyo Lubba kə̂ Bɔ ddəw tə̂ laa.

Kolosinyɛje 3:20

Ngannje, ooje ta njê-kujuse mə nɛ̂nje tə̂ tɔyn. Yeenn to nɛ̂n kə̂ kura kə̂ Əbbə-dəwje ndiki karə ə-ddaje.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 3:13

Maji karə narə ubbaje singa ngaâ n̂-dda narə ə-ddeeje to dəwje kə̂ maji tɔyn ddəm dəwje kə̂ tar kâra to dɔde tə̂ ang ddəm nɔn Bɔjeje Lubba tə̂, ndɔ tə̂ kə̂ Əbbəjeje Jeju a ddee, ne kə dəwje laa tɔyn. Amɛnn!

1 Tesalonisinyɛje 4:3

Nɛ̂n kə̂ Lubba ndiki â to, karə ə-sangəje rɔse mba Lubba, karə ulaje rɔse kaya tə̂ ang.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Tesalonisinyɛje 2:17

n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.

1 Timɔte 1:17

Asə karə dəwje tɔyn ndɔyje ri tɔkə mbay kə̂ nje-kisi kə ndɔ kə ndɔ ngaâ piteje, ne kə̂ noy ang, ne kə̂ kəm dəw ooe ang, Lubba kə̂ kâra baa, Amɛnn.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

2 Timɔte 3:17

Baann bba karə dəw lə Lubba to ngɔsi ngaâ asə ta dda kulaje tɔyn kə̂ maji.

2 Timɔte 4:18

Əbbə-dəwje a kɔrum ta nɛ̂nje tə̂ kə̂ maji ang tɔyn ngaâ nâ kajim karə mandə mə Bbe-kɔn tə̂ laa darâ. Maji karə piti to laa kə ndɔ kə ndɔ. Amɛnn.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

Ebərəje 13:16

Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.

Apokalisi 4:6

Marə nɛ̂n tokə lə ba-ər kə̂ kəmɛ̂ arɛ yərərə to nɔn ngende-mbay tə̂ le. Marə nɛ̂nje kə̂ toje kəm baa sɔ gukuje ngende-mbay kə̂ to dannâ le, kəmde to rɔde tə̂ tɔyn kete ddəm guku ddəm.

Apokalisi 5:13

Moo ndu nɛ̂nje tɔyn kə̂ Lubba ddade ngaâ toje mə dara tə̂, dɔ nangə tə̂, gəl nangə tə̂, dɔ ba-katə tə̂ kə mə ba-katə tə̂. Dɔsuje pa nan: «Maji karə piti, ndɔy-ri, kɔsu gaji kə singa-mɔngu, toje to lə ne kə̂ nisi ngende-mbay tə̂ le ddəm Ngonn batə le ddəm kə ndɔ kə ndɔ!»

Apokalisi 5:9

Daw dɔsuje pa kə̂ siki nan: «Asə ta taa makəturu le, ta kɔru nɛ̂n kə̂ n̂-lətə nɛ̂n tɛɛ̂. Mba n̂-tɔli to nɛ̂n-polo. Ə-ndoko dɔ dəwje tɔyn kə məsəi arə Lubba, dəwje kə̂ gəlde to dang dang tɔyn, njê kə̂ ndɔn-tarje ləde to dang dang tɔyn, kə njê kə̂ isije nangəje tə̂ ləde kâra kâra tɔyn.