Ebərəje 13:18 - Dɔnɔn kə̂ Siki: Tar kə̂ aw arə təbbə

¹⁸ Maji karə ə-dujuje Lubba mbaje. Mba n-gərə to kəjə ləje to kə majɛ̂ bbo jɔkuje ang ngaâ n-ndiki karə pa-nja ləje to kə majɛ̂ mə nɛ̂nje tə̂ tɔyn.

Ebərəje 13:18 Iomraidhean Croise

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 24:16

Yeenn bba, kə̂ ndɔ tɔyn maw sangə ddəw karə kəjə kə̂ maji dɔrɔ â to məm tə̂ nɔn Lubba tə̂ ddəm nɔn dəwje tə̂ ddəm.

Rɔmɛnje 12:17

Nɛ̂n kə̂ maji ang kə̂ dəw dda kə se a, ə-ddaje saa tɔ ang. Ə-sangəje ddəw ta dda nɛ̂n kə̂ maji kəm dəwje tə̂ tɔyn.

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 15:30

Ngakɔnʼmje, m-walse kə ri Əbbəjeje Jeju-Kristə ddəm ddəw tə̂ lə Ndil-mə-nda kə̂ aw dda arə jaw ndikije naan ddəm karə umanʼmje ddɔ tə̂, ddəw duju Lubba tə̂ mbam

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

1 Tesalonisinyɛje 4:12

Baann bba pa-nja ləse a dda karə dəwje kə̂ ooje məde tə̂ ang bbəəlse. Ngaâ â ddeeje to nɛ̂n-koto dɔ dəw tə̂ ang.

1 Tesalonisinyɛje 5:25

Ngakɔnje, maji karə ə-dujuje Lubba mbaje tɔ.

2 Tesalonisinyɛje 3:1

Ngakɔnje, ta kutu nɛ̂n dɔɛ̂ a, maji karə ə-dujuje Lubba mbaje bba karə tar lə Əbbə-dəwje taa lo njangə baa ngaâ karə dəwje pitije tar le tokə dəwje aw pitije bbeê ləse le.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.

1 Piyɛr 3:16

A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.