Ebərəje 13:16 - Dɔnɔn kə̂ Siki: Tar kə̂ aw arə təbbə

¹⁶ Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.

Ebərəje 13:16 Iomraidhean Croise

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Galatəje 6:6

Maji karə dəw kə̂ daw tɔjɛ̂ Tar lə Lubba kayn dəbbə nɛ̂n-kingaje laa tɔyn arə dəw kə̂ aw tɔjɛ̂ Tar le.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

Pilipinyɛje 4:14

A ə-ddaje nɛ̂n maji, mba otoje səm dəbbə nɛ̂n kəm-to-ndoo kə̂ ingam.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

1 Tesalonisinyɛje 5:15

Aaje kə majɛ̂ arə dəw kâra ila barə majang kə̂ dəw dda saa ang. A, maji karə ə-sangəje ddəw ta dda maji horose tə̂ ddəm ta dda maji kə dəwje tɔyn ddəm.

2 Tesalonisinyɛje 3:13

A see ngakɔnje, maji karə ə-ddaje maji kə dəwje bbo arəje rɔse nyase ddəwe tə̂ ang.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Pilemɔn 1:6

M-duju Lubba karə mə-kunn kə̂ kâra baa kə̂ əman je səi jee nɛ̂n le dda kula ngaâ dda arə dəwje gərəje nɛ̂nje tɔyn kə̂ maji kə̂ jasə ta dda mba Kristə.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

3 Jan 1:11

Ngokɔnʼm kə̂ m-ndikii nya, kula-dda kə̂ maji â ə-ndaji bbo kula-dda kə̂ maji ang â ə-ndaji ang. Dəw kə̂ dda maji to dəw lə Lubba. Dəw kə̂ dda maji ang gərə Lubba ang.